美味佳 (已結業)

同另外4位朋友突然間好想食串燒，又唔想去返旺角嗰啲平時去開嘅地方，突然間醒起紅磡都有間我哋以前好常去既，朋友仲話畢業之後兩年都無再食過，所以排好耐隊都要等到嚟食。呢間野啲串燒真係名副其實，好美味又好惹味，可以選擇辣度，我哋就揀左少辣。每一串串燒上到來嘅時候都沾滿一啲辣粉，仲可以額外加佢地啲秘製醬汁，醬汁少少似沙嗲，不過都係辣既，啱晒鍾意食辣嘅朋友。最愛嘅都係蛋炒腸粉，啲腸粉同蛋係會癡埋，唔會分開，另外仲加左甜醬豉油麻醬，食兩碟都未夠喉。