麺屋武蔵 (已結業)

其實我覺得拉麵一向偏咸或油，喺香港真係好難食到有日本水準嘅拉麵，但呢個蕃茄湯底嘅拉麵就好特別，唔會咸，麵嘅口感都好好，但塊肉真係好硬，好大力先撕得開。如果肉做得好啲真係俾滿分。 女友最愛赤沾麵，次次佢都食呢個，因為辣得黎好味，再加湯時真係有陣好特別嘅味浮出黎，我食唔到辣都要飲啖湯。而且其他店嘅沾麵好多時唔會有肉，要你加錢，呢度就好足料。差唔多成舊水嘅沾麵如果冇啲肉都真係幫襯唔過。另外，小食叫左wasabi芝麻醬菠菜同炸雞，兩個都好味，原來wasabi唔淨止加落壽司。又學多樣野。