芝加哥串燒 (美豐花園) (已結業)

想同朋友傾心事把酒談天，我哋就揀選左大埔食串燒嘅勝地-芝加哥串燒酒場。正值秋冬天，所以坐出面都唔會太熱，而且戶外嘅位置有少少風，坐得好舒服。餐紙上嘅食物圖片非常吸引，仲要彩色列印，搞到我每一款都好想試吓。朋友推介呢度嘅碳燒雞扒一定要試吓，而且一塊都只係$28，相當超值。新鮮即叫即做嘅雞扒用木板上，再配以醬汁，驟眼睇望落去雞皮非常香脆，呈現金黃色！食落去肉質果然鮮嫩，真係好好食。食串燒怎樣嚟得開一杯啤酒爽一爽喉嚨呢，啤酒🍻夠凍，而且好有氣。除此之外，仲叫咗招牌茄子燒、燒羊架、燒烤魷魚同埋韭菜燒等，仲有得選五個唔同程度嘅辣度，可見餐廳非常貼心。最後望吓餐廳嘅開放時間，原來開到凌晨兩點，如果食宵夜或者晚飯食唔飽嘅朋友，都可以去呢度醫下個肚，食物質素真係唔錯，一定會再去食。