鳳鳴石磨腸粉 (船塢街) (已結業)

石磨雞蛋豬肉腸 $24三款之中最鍾意呢款😛腸粉薄身嫩滑有米香，雞蛋味超香濃，豬肉切到細細粒，醬油亦係自家製，甜甜地冇咁單調之餘亦唔會蓋過蛋香。黑米蟲草花蝦米腸 $29店員話呢款係熱賣之一，黑米口感比傳統石磨腸粉再煙靭彈牙啲，含有膳食纖維，米香亦較重。蝦米大隻，而且蟲草花食落好爽口，口感層次豐富啲。黑米韭黃雞絲腸 $27加$3可以轉黑米，韭黃香味好突出，加埋蔥花同芫荽獨有的香味亦很不錯。加$12有得配埋飲品竹蔗茅根/桂圓紅棗/羅漢果茶/豆漿我揀咗羅漢果，少甜又清熱滋潤，朋友的桂圓紅棗好香桂圓味，唔使加糖已經好夠甜。