倫哥火鍋私房菜 (已結業)

倫哥不嬲口碑都好好，性價比高，不論家人定朋友都好鐘意幫襯，尤其我呀媽，諗唔到去邊食飯，不如又去倫哥，哈哈，佢老人家實鐘意！因為又有刺身，有齊三文魚，甜蝦，帶子等等，新鮮又肥美！仲可以每人有一份鮑魚花膠同蒸蟶子，店方好有誠意！食完前菜就到麻辣雞煲，仲可以添食，豪不吝嗇非常抵讚！食完雞煲換湯打邊爐，永遠推介温泉雞湯底，材料豐富之餘，媽咪覺得佢夠健康，亦好夠味！個火鍋海鮮拼盤，有海蝦，大蜆，龍躉片，蟶子，每次都落足本，真係抵食！肥牛永遠都咁靚靚又香牛味！最後食埋個黑糖水晶涼粉，小小甜就夠哂圓滿，如果有埋無糖茶同唔凍嘅野飲選擇就 perfect池！