云手工火鍋店

营业中

休息中

同朋友行完尖沙咀想搵野食，搵左一陣見到有間火鍋店，於是上去試下。間店的地點算唔錯，係正鬧區中心，酒店樓上，上到去完全係另一種感覺。一入去已經見到有包廂，適合一軟大細或者一大班fd 約食飯，可以有番一定私隱度。今次我同朋友就到左大廳食，一入到去已經見到個櫃放滿紅酒，而場內正播放迪士尼純音樂，營造一個chill 住飲紅酒的氣氛，幾有驚喜。朋友揀咗火焰三椰雞鍋。火鍋湯底非常足料，職員會喺你面前即將所有嘅材料加落去再煮湯底，感覺好新鮮可以望住佢哋表演。湯底勁清甜，我足足飲咗一大碗嘅雞湯，而雞好嫩滑唔會鞋，份量亦都非常足夠。火鍋配料叫咗有墨魚滑，鳳城水餃同魚皮餃各半份,油麥菜,西班牙黑毛豬,蜂巢豆腐同埋烏冬,仲有一渣竹蔗茅根。墨魚滑新鮮嫩滑仲可以食到粒粒嘅墨魚粒。西班牙黑毛豬油脂分佈平均同一啲都唔鞋。個人最推薦嘅就係餃子類。鳳城水餃同魚皮餃粒粒都好飽滿仲好足料。油麥菜的份量多＆新鮮，同雞湯好夾。健康之選。整體嚟講，無論環境，職員態度，以及食物嘅質素都唔錯，下次可以叫多啲人再encore，咁就可以試下其他湯底＆嗌多啲唔同嘅餸。