宏鮨芯 (已搬遷) 新店位置

香港政府急急脚宣布禁止六点后堂食，估唔到呢一日就成为左最后嘅晚餐。𠮶晚同朋友入屯门呢间叫做宏鮨芯嘅日式料理店食晚饭，店舖位置都比较偏僻，系街坊小店。揸车入到黎，肚子都饿了，同朋友叫咗蟹味甲罗烧、日式樱花虾炒饭、牛油果软壳蟹卷。第一味上到黎嘅就系樱花虾炒饭，见到炒饭上面都铺满左樱花虾，碟嘅侧边都铺满晒，以为咁就完？其实炒饭里面都混杂咗好多嘅樱花虾，樱花虾香口脆身，炒饭炒得粒粒分明，好味！跟住落嚟就系呢个蟹味甲罗烧，对上一次食甲罗烧已经系好多年前去日本旅游嘅时候食，好怀念呢～估唔到喺屯门呢间小店都可以再食到，蟹膏比都好大方，如果有多两块包去搭配住食就更好了。 今次食咗好多淀粉质，下次有机会要试吓佢其他嘢先。