無名炭爐雞蛋仔 (已結業)

回想起第一次光顧之後嘅驚喜，今日諗番起，依然歷歷在目...轉眼間已年多，已經變成老主顧了...下邨快將遷拆，呢度會否變成歷史陳蹟 ? 天曉得...總之食得一次就一次...太座始終最愛佢嘅格仔餅多過雞蛋仔，貪佢比其他舖嘅出品更不健康ma...多砂糖，多花生醬，多牛油，三者欠其一，風味何在 ?再加埋炭焦香，掂晒...雖然始終覺得從前嘅味道更好，而且仲加埋價添，但炭爐格仔餅，有得食就好食la...