嫲嫲辣辣 (已結業)

幾時先可以比返個晚市堂食我呀！😩食乾鍋最重要就係個朕鑊氣！外賣乾鍋始終都係爭咁d。不過癮起無辦法啦！遠在東涌收工既我，真係好想食嫲嫲辣辣，於是衝左岀尖沙咀買外賣！晚市嗌係唔多抵，不過鬼叫我想食咩😆嗌左腩肉，肥腸，雞軟骨，蓮藕仔，羊肉，薯條，東風螺！孜然口味，小辣。7樣野加埋total 272蚊！樣樣都唔錯，辣椒夠多，香料夠重口，炒得夠香口。東風螺比想像中好，大大隻又唔韌，一共有8粒！反而薯仔有d失望，生水，一d都唔粉😢。最後結論係，堂食正d，新鮮滾熱辣岀爐既乾鍋迷人好多，外賣始終焗住左一陣有倒汗水，d野食無咁乾身。btw， 點都好啦，我愛乾鍋！❤️