古琴雅苑 (QRE Plaza)

营业中

休息中

朋友好中意食北京填鴨，今日我哋放假就去食，見佢有做父親節優惠，性價比高，呢度環境坐得幾舒服，晚市10分多人，座無虛席。瑰荔堂皇呢一個茶好香荔枝味道，配埋北京填鴨一齊食，可以減低個油膩感。上海雲吞湯雲吞粒粒都非常之大粒，個皮好薄，入邊餡料非常之多，湯底鮮甜濃郁加上蛋花非常幼滑。北京填鴨半隻佢哋嘅配料都好多，有青瓜，哈密瓜，京葱，黃梅醬，甜麵醬等，北京填鴨個皮烤到非常之香脆，肉質嫩滑，油香豐富，肥瘦適中。另外有個鴨油酥，非常香酥。小籠包皮薄餡靚，一咬開爆哂汁。