極尚大喜屋

营业中

休息中

朋友生日就約佢黎到位於旺角雅蘭中心極尚大喜屋食餐好，鐘意呢度有好多美食選擇，有前菜、小食、飲品、刺身、壽司、炸物、鍋物、仲有最鐘意食既榴槤。刺身每次見到成盆上枱已經好吸引，三文魚同牡丹蝦好吸引，最重要係夠新鮮肥美。燒牛舌同羊架火候控制得好好，煙煙韌韌好入味。鮮蟹粥每次都必點的，粥底軟綿綿，入口好鮮甜加入粟米粒口感一流。燒乳鴿炸至金黃色，外皮香脆可口，肉質鮮嫩。金湯慢煮鮑魚花膠，材料十足可以養顏又補身，花膠好好用，鮑魚爽脆，醬汁亦都好鮮甜，超美味。最後食埋個極品金枕頭榴槤燒，好甜好濃郁榴槤味道，食唔停口。