滿山‧台北

营业中

休息中

行過坑口見到間台灣嘢，環境幾闊落，望吓個餐牌同其他台式餐廳好似有啲唔同，一於入去試吓。我哋叫咗個橫行蟹肉口熱壓吐司，蟹肉鮮甜，吐司外脆內軟，呢個配搭都幾特別，唔錯。跟住試咗鹽水鴨肉香油拌手工麵條，麵條超彈牙，鹽水鴨肉一啲都唔會鹹，食得出鴨肉嘅鮮味。仲有加配嘅九層塔豆乳香酥雞，雞肉外脆內嫩，而且份量都好足夠！另外高湯櫻花蝦浸娃娃菜都唔錯，湯底有陣陣櫻花蝦嘅鮮味。我哋叫咗杯飲品，米麻糬開心果牛乳，開心果味都幾出，米麻糬應該係糯米，放落飲品入邊都幾得意，最上層仲有芝士奶蓋添，個人嚟講都幾鍾意呢個配搭。最後，甜品方面就叫咗白玉芋圓腰果露，芋圓Q彈，腰果露香濃。