SAKEH (已改名) 查看

呢排返工好忙，放工都想有搵個舒服地方食下野。Book左位有呢張二人枱，拍拖兩個人就岩哂。Sake口味甜甜地，女仔都好易入口。佢嘅甲羅燒好足料，鮮甜！職員會放個爐係枱面燒。雞皮又係好薄好脆，薯片咁。鵝肝多士係今晚最好食，鵝肝同塊包一樣咁厚。荔枝豬肉卷都推介，甜甜地又juicy。免治豬軟骨配蛋汁口味特別，會食到豬軟骨好脆口，再加埋汁。牛脷都係必食，厚切口感好好。最黎仲追加左白膳。整體黎講餐飯食得好開心，環境舒服，野食好味。加上全部staff都好nice，service好好。