影片
更多
2016-04-09
3158 浏览
觀塘真係好多美食，今晚又到cow黎個fine dining，$398一位有五道菜，用上靚材料，又用心去煮，我覺得物有所值。雖然係工廈入面，但至少呢度真係一間西餐廳，有service，可慢食談天，非一般名氣甚大的偽西餐廳可比，那種又迫又要趕係兩小時交枱的五道菜更是怕怕。廢話少講，睇下今晚食乜先。一坐低就會送上一個starter，莎樂美腸包著creamy cheese，香軟可口。香煎帶子配煙挪威三文魚和慢煮紅菜頭沙律見隔離枱係咁笑個紅菜頭沙律，到我地呢邊上菜時，又真係幾搞笑嘅，三粒的的骰骰咁，但主角係帶子嘛，煎得香口無喳，咬落鮮甜彈牙，好味喎。香煎鴨肝配慢煮菠蘿鴨肝味同鵝肝差唔多，少左酥味，我較欣賞皮菠蘿，慢煮後更甜，無哂啲硬筋，食完又唔會口痕。野菌清湯呢個正到無朋友，清湯清到好似水咁，但味道卻十分濃烈，一小口已經有超濃菇味，好似同時間食左一打菇入口咁，無得彈。香濃蟹忌廉湯蟹味超濃，但帶少少苦澀味，忌廉湯厚身，飲完好飽，兩煮比較喜歡清湯。自家制麵包，有點像鬆糕，用上大量橄欖油，好香口，外層烤得鬆脆，內邊則濕潤軟綿，好正。自家制雲吞配和牛及牛肝菌雲吞皮煙韌彈牙，咬落啖啖肉汁，香濃味美。自家制
一坐低就會送上一個starter，莎樂美腸包著creamy cheese，香軟可口。
香煎帶子配煙挪威三文魚和慢煮紅菜頭沙律見隔離枱係咁笑個紅菜頭沙律，到我地呢邊上菜時，又真係幾搞笑嘅，三粒的的骰骰咁，但主角係帶子嘛，煎得香口無喳，咬落鮮甜彈牙，好味喎。
香煎鴨肝配慢煮菠蘿鴨肝味同鵝肝差唔多，少左酥味，我較欣賞皮菠蘿，慢煮後更甜，無哂啲硬筋，食完又唔會口痕。
野菌清湯
呢個正到無朋友，清湯清到好似水咁，但味道卻十分濃烈，一小口已經有超濃菇味，好似同時間食左一打菇入口咁，無得彈。
香濃蟹忌廉湯
蟹味超濃，但帶少少苦澀味，忌廉湯厚身，飲完好飽，兩煮比較喜歡清湯。
自家制麵包，有點像鬆糕，用上大量橄欖油，好香口，外層烤得鬆脆，內邊則濕潤軟綿，好正。
自家制雲吞配和牛及牛肝菌雲吞皮煙韌彈牙，咬落啖啖肉汁，香濃味美。
自家制墨魚汁雲吞配蠔和海鮮皮同樣煙韌彈牙，入面包著整隻蠔，一咬成口蠔味湧出黎，十分鮮甜，又係正到無朋友。
慢煮挪威三文魚柳配紅花忌廉汁食到呢度已經好飽，主菜上了，上次食過慢煮三文魚好好味，今次encore先。果然無失望，保持水準，三文魚肉嫩鮮味，煎過都不會硬身，有啲人覺得不夠口感，但我覺得咁樣軟腍腍的好食喎。
慢煮美國牛肋條配法式紅酒汁另一個要左牛肋條，同樣慢煮，牛肋條吸了紅酒汁更甜美，肉質鬆化，齒甲留香，無可挑剔。
熱檸茶餐飲，味道幾好，茶濃檸香。
熱咖啡啡味甘香，奶滑香濃。
梳乎厘甜品時間，梳乎厘好彈喎，甜甜的好正，做得靚都唔易㗎。
傳統意大利芝士餅
仲以為會係蛋糕型咁添，原來杯上，蛋糕吸了大量咖啡，好濃好濃，酒味芝士味都好濃郁，正。set嘅頭盤，湯等都有兩款，兩個人黎啱啱好可試哂，大部份两樣都好對胃，如果只能揀一樣真係唔知要咩好……開頭望落好似好細份咁，但真係好飽呀，食完大滿足。食嘅其間侍應問過下一度菜要即刻上定等十分八分鐘先上，完全唔會急住食，亦不會過份hardsale有壓力，整體感覺良好，介紹左不少朋友黎試試呢。
张贴
