麵皇自家麵 (威靈頓街) (已結業)

閒日朝早11點，非繁忙時間，全餐廳只有兩枱客。有一隻曱甴好生猛咁橫跨幾枱，大叫侍應處理。 首先全部人扮聽唔到，過左好耐有一個回應，扮去廁所，跟住其他繼續唔理。 全程大概10分鐘，員工係度傾偈，執下袋咁，唔見得無時間處理。到客人離開餐廳，都無半點唔好意思。係幫老闆趕客嗎？雖然明白呢啲係平民面店，今日趕時間又記得之前佐敦店既胡麻湯底做得幾好才幫襯。無唸過衛生環境可以咁。餐廳雖細，但所有座位都好濃既廁所味道。咁芳香又有曱甴相伴既環境，平民都接受唔到掛？ 希望餐廳老闆會見到，改善餐廳環境同員工服務質素。之前食過佐敦店，覺得胡麻湯底好食，但咁既環境，以後所有分店也不會再幫襯。