影片
更多
2018-05-24
4831 浏览
自從轉左新工後都好耐無同舊同事聯絡，早排係工作嘅群組入面知道其中一個好同事都即將離職，所以就夾埋其他人一齊同佢FAREWELL一番。因為知道呢度非常旺場，所以一早BOOK定枱準時齊人入席。坐低無耐就見到可以任飲清酒，所以二話不說就加錢升級暢飲一番。美酒配佳餚，一樂也。先黎係前菜小食三味。最鐘意係味增醃大蒜，無刺鼻嘅蒜辣味反而甘甘甜甜的好開胃。因為知道同事愛吃芝士，特意點左個一口炸芝士俾佢一飽口腹。芝士味幾香濃，入口微咸熱辣軟糯。唔錯。四品刺身盛：原板北海道海膽併帶子／象拔蚌及三文魚腩。每樣都十分新鮮肥美為今餐打響頭炮。原條喜知次刺身。作為日本三大名魚之一，用黎FAREWELL絕不失禮。幸好店員係入座時提及返左靚貨，否則較難遇到。北海道海膽味道鮮甜，入口即化。配上酥脆海苔片，滋味在口腔久久不散。喜知次鮮美豐腴，入口肉質結實彈牙，以炙燒方式帶出魚皮嘅油香，令食起上黎口感更豐富。而三文魚腩則以厚切方式突出其肥美嘅滋味。帶子及象拔蚌同樣鮮甜，其中有個以醬油醃漬嘅象拔蚌尾部，爽脆又鮮香。將容易被人忽視嘅部份都物盡其用，廚師心機由此可見。刺身過後就到左今晚嘅重頭戲：近江牛全宴。近江牛可能係港人比較
坐低無耐就見到可以任飲清酒，所以二話不說就加錢升級暢飲一番。美酒配佳餚，一樂也。
先黎係前菜小食三味。最鐘意係味增醃大蒜，無刺鼻嘅蒜辣味反而甘甘甜甜的好開胃。
因為知道同事愛吃芝士，特意點左個一口炸芝士俾佢一飽口腹。芝士味幾香濃，入口微咸熱辣軟糯。唔錯。
四品刺身盛：原板北海道海膽併帶子／象拔蚌及三文魚腩。每樣都十分新鮮肥美為今餐打響頭炮。
原條喜知次刺身。作為日本三大名魚之一，用黎FAREWELL絕不失禮。幸好店員係入座時提及返左靚貨，否則較難遇到。
北海道海膽味道鮮甜，入口即化。配上酥脆海苔片，滋味在口腔久久不散。
喜知次鮮美豐腴，入口肉質結實彈牙，以炙燒方式帶出魚皮嘅油香，令食起上黎口感更豐富。而三文魚腩則以厚切方式突出其肥美嘅滋味。帶子及象拔蚌同樣鮮甜，其中有個以醬油醃漬嘅象拔蚌尾部，爽脆又鮮香。將容易被人忽視嘅部份都物盡其用，廚師心機由此可見。
刺身過後就到左今晚嘅重頭戲：近江牛全宴。近江牛可能係港人比較少接觸嘅牛種，但佢係同松阪、神戶並稱日本三大和牛嘅美味牛肉。
店員送上牛肉後亦奉上呢個庖丁解牛圖。等我地順着牛嘅部位由淡至濃咁食勻呢隻頂級牛牛。
靚牛肉無需花款調味，只要一點點岩鹽就足夠了。
最先食佢嘅牛舌／牛臀／牛腿上肉。牛肉一放上網燒，其中嘅油花引燃出閃亮火光，由此可見牛肉嘅肥美程度。首三個部位肉味都係淡口一點，品嚐嘅係佢腍滑嘅肉質同咬口。
之後係牛腿／牛肩／牛頸脊。肉味比前三者更香，雪花同肉嘅比例大約五十五十，覺得咁嘅比例剛好。油脂同肉味唔會搶過對方，而且食落口感較結實，咀嚼時香味慢慢滲出。
咁肥美嘅牛肉，最啱配上一口白飯黎食。一來降低油膩感二來白飯嘅甜味同牛脂結合，更相得益彰。
最後係牛小排／西冷／肉眼。亦係本人最愛嘅部份，油脂最豐富最甘香嘅三個部位，熟度保持係五成熟入口半溶未溶，咀嚼時肉香四散真係令人回味無窮。
大家仲有少少意猶未盡，就點多個明太子大蝦及芝士年糕。大蝦肉細緻，配上咸香明太子的確不錯。而年糕則煙韌軟糯，以兩款輕食作結啱啱好。
晚飯最後再食埋個海鹽雪糕，冰凍酸爽嘅味道將整晚嘅飽滿感一下子送入胃袋深處，亦將滋味回憶深深地烙入腦海之中。美食永遠都係維繫感情及關係嘅不二法門，可以同朋友／同事以食聚舊，談笑風生，咁先係生活嘛。
张贴
