蝦匠 (已結業)

天氣時寒時暖，凍冰冰的日子最好食咩？除左打邊爐，暖笠笠嘅湯飯都係一個好選擇！呢日去左九龍城嘅蝦匠，佢出名食龍蝦蝦湯麵，仲有其他湯飯等等，冬天類的暖身食物！今次我地就點左個花膠雞湯泡飯。上菜絕對唔欺人，成鍋雞湯內有雞肉同花膠，鍋底下更有個小小石爐火幫食物保持熱度。飲一啖香濃雞湯，成個人即時暖哂！鍋中都有唔少雞肉同花膠，最好嘅食法係先飲湯，食雞肉同花膠，然後加入飯到湯中混和成湯飯。當白飯吸收左雞湯後，就係精華所在了！我地另外亦點左小食拼盤同麻辣豬耳。小食拼盤有雞翼、花枝丸同春卷。帶川味的麻辣豬耳辣度也不低，也是不錯的小食之選！