占師傅 (已結業)

今日隔離組有同事慶功完成大project ，想多謝我哋幫忙所以一開完會就落咗去買k11對面古早味占師傅去慰勞下大家！其實聽就聽得多試食都係第一次炸，見到之前好多報章雜誌都有報道。。好似話佢係台灣好出名，但原來出世喺馬來西亞等等。。。咁唔講咁多試食先，我理得你邊度邊度，好食先最緊要！今次同事請嗰個係芝士流心蛋糕，芝士味其實就唔係話好突出，不過其實個質感真係唔錯，好香同好軟林林，蛋香味十足！聽講都係＄60一個，依家紙包蛋糕都賣到$8個啦，呢個仲要即叫即做，係有啲誠意既