愛甜心甜品 (已結業)

呢幾日真係凍到嗌救命，著幾多衫都唔夠暖。今晚放工男朋友帶我食甜品，幫我取暖咁話店名幾sweet叫愛甜心。牆上裝飾同埋枱上擺設都幾別緻。甜品選擇都幾多，我見到香芒小丸子好想試，但天氣太凍喇……唯有等天氣回暖少少再試。揀咗兩個都係熱嘅甜品。雪梨蘋果燉雪耳$42 這個太好吃了必須推薦！ 雪梨同蘋果都燉到軟綿綿，加埋爽口雪耳，口感好， 甜到漏又養顏！芝麻椰汁西米圓$35這是男朋友的，湯圓是西米皮做的，口感煙靭，餡料有綠豆蓉、芋頭蓉同埋芝麻，加埋甜甜椰汁，正！雖然只係試左兩款甜品，但都感受到餐廳的用心，甜度適中，暖笠笠好適合而家天氣食下次嚟幫襯一定會試下其他招牌甜品！