富臨薈 (已結業)

暑假前最後一日，當然要比小朋友聚下餐，好在早一日book位，約廿人比左間靚房我哋嘆茶😚好可愛嘅蒸包點心，d小朋友個個都話要食，好在有帶較剪開心share，最愛黑金色個奶皇流沙包，可能我自己鐘意奶皇😝乳鴿好味，唔乾，好多小朋友都要添食😆而且有提供膠手套食乳鴿，要讚一下👍小籠包👉唔多講，我仔一人食左三粒😅仲有一支骨雞翼，炸到好香好野味，我咁怕熱氣都食左三條🤣最難食算係秋葵，d小朋友好似打大佬咁，好多都放棄了🤣🤣🤣其實食物總括唔差，我哋志在有個地方舒舒服服咁聚下，小朋友係房內跑跑跳跳又騷擾唔倒其他食客，咁就good la👍