火間土 (已結業)

呢一間日本餐廳火間土，位於北京到1號，所以可望住成個1881嘅景色同埋海旁，個景真係好靚，適合情侶慶祝。佢有好似兩個人坐嘅房仔，不過有最低消費＄888，其實都幾貴。但係因為今日係慶祝男朋友嘅生日，所以決定都坐二人房。為咗食夠minimum charge，我哋叫咗個火間土刺身拼盤＄598，分別有三文魚，吞拿魚，甜蝦同北寄貝等等。三文魚同吞拿魚幾好食，有好多魚油，有即溶嘅感覺。賣相幾靚，不過份量的確唔多，每樣每款只得三片。之後我哋都叫咗個和牛意粉。和牛有啲un，個意粉都叫炒得幾香，不過淋咗少少。串燒就幾好味，叫咗個芝麻炸雞翼，味道唔錯，炸得幾香口。最後埋單成＄1000，真係好貴。只係食咗個嚟環境。