Zeng (已結業)

飲食業喺呢段時間真係面對好大挑戰，好多節日都冇辦法供應晚市堂食，而好多食客都同我哋一樣，會選擇提早慶祝節日或者轉為食午餐。Zeng位於銅鑼灣Vpoint 30樓，睇過好多介紹，知道呢度景觀唔錯，最近終於一試週末比較早嘅時間入座，唔算好多人，環境清靜；及後人多咗，並且有客人shisha，聲浪就較大。餐廳座位不少，戶外座位都幾受歡迎，皆因可飽覽維港靚景，30樓高視野廣闊，當日天氣好好，藍天白雲又有少少風，影下相都靚我哋點咗兩份套餐，首先上沙律，牡丹蝦刺身新鮮，沙律菜配上柚子sauce，夠fresh餐湯係廣島蠔忌廉湯，湯濃郁順滑，唔會過稠。cocktail主食前先有蒜油蜆肉意粉，味道穩穩陣陣，唔會話過於油淋淋，而且份量都幾多，蜆肉無沙主食3選1，有慢煮照燒牛面頰肉/智利鱸魚併柚子大豆泡沫或巴馬臣火腿野菌雞卷佐紅酒醬 (er...我自己譯嘅名，哈哈)牛面頰肉厚身，口感好軟腍，肉味明顯，入味好食雞卷好香菇菌味，冇乜油膩感，墊底有細滑薯蓉，唔錯啦。 最後以黑加侖子慕絲蛋糕作結，夾層係白朱古力甘納許，酸酸甜甜，收貨情人節晚餐就...我諗都係喺屋企煮吓飯仔嚕~