Aqua (已搬遷) 新店位置

好朋友生日就去左Aqua慶祝😁中午臨時打電話去預約，佢地都好好特登安排左個窗口位比我地。望哂成個夜景，淨係個夜景都值回票價啊。咁我哋兩個女仔呢就揀咗Sunset Menu(一個半鐘食用時間)，有前菜、主菜、同甜品。選擇種類都好多，一定會揀到一個啱你口味。食物都黎得好快，可能因為限時進食既關係。話雖如此，就算食左兩個鐘佢地都無趕我地走。食物方面就睇相啦，真係好掂架！員工仲好有善，幫我地影左好幾張合照留念。總括黎講，今次真係好開心滿意啊。餐廳嘅格調非常浪漫，絕對適合情侶去。另外，食客主要都係外國人。食物同景色都咁好嘅地方，希望會有更多香港人知道。小插曲，期間發現我既玻璃杯有裂痕，就叫待應換過第二杯水。點知經理好好人，特登過黎道歉過解釋。服務態度值得一讚啊！