影片
更多
2020-10-18
312 浏览
去完果栏买水果, 之后谂住tea time食啲嘢. 走返出嚟弥敦道, 谂紧究竟去Le Chateau 2/F𠮶间café 定系泰cool... 由于楼上间café 其他客人发出的声浪太嘈吵, 走返落嚟试下泰cool. 点知就中伏喇😰😰 入到去男侍应安排我坐喺厨房对出位置, 但系完全冇冷气, 我好有礼貌咁样问佢仲有冇第二个位置可以坐, 男侍应一句挞过嚟, 喺呢度㗎喇, 净低𠮶啲系卡位黎 (大概有3个吉嘅卡位啦) 天气热又燥底, 真系不得了😂一坐低, 叫咗𩠌之后, 咁啱后面有人埋单, 我就即刻问可唔可以转枱喇... 另一个女侍应就口噏噏讲话, 落咗单又转枱好麻烦bla bla bla... 跟住叫果碟鸡肉菠萝炒饭送到嚟, 仲要崩咗个角, 好似畀人食咗啖咁😂😂😂 相我就冇影, 不过我觉得呢间餐厅嘅服务态度绝对低于水平. 当有社会运动同埋疫情呢类黑天鹅事件出现, 其实系一个非常之好嘅契机, 去畀大家筛选究竟边一啲企业或者生意应该留低... 我自己都系做生意嘅, 做生意并唔系门口贴个黄色贴纸, 就确保你生意兴隆. 如果系咁谂, 你就非常之错. 结论 : 想食个tea嘅去其他茶记就ok, 唔需要黎
入到去男侍应安排我坐喺厨房对出位置, 但系完全冇冷气, 我好有礼貌咁样问佢仲有冇第二个位置可以坐, 男侍应一句挞过嚟, 喺呢度㗎喇, 净低𠮶啲系卡位黎 (大概有3个吉嘅卡位啦) 天气热又燥底, 真系不得了😂
一坐低, 叫咗𩠌之后, 咁啱后面有人埋单, 我就即刻问可唔可以转枱喇... 另一个女侍应就口噏噏讲话, 落咗单又转枱好麻烦bla bla bla... 跟住叫果碟鸡肉菠萝炒饭送到嚟, 仲要崩咗个角, 好似畀人食咗啖咁😂😂😂 相我就冇影, 不过我觉得呢间餐厅嘅服务态度绝对低于水平.
当有社会运动同埋疫情呢类黑天鹅事件出现, 其实系一个非常之好嘅契机, 去畀大家筛选究竟边一啲企业或者生意应该留低... 我自己都系做生意嘅, 做生意并唔系门口贴个黄色贴纸, 就确保你生意兴隆. 如果系咁谂, 你就非常之错.
结论 : 想食个tea嘅去其他茶记就ok, 唔需要黎呢间泰cool. 呢一间服务咁差仲要收服务费, 大家真系想洗钱嘅话, 其实弥敦道仲有好多选择.
张贴