泰COOL (彌敦道)

跳入泰式美食嘅海洋，唔洗買機票就可以滿足我嘅味蕾！先講下咖喱青口釀麵包，呢個絕對係打卡熱點📸。麵包嘅外皮香脆，中間就好似吸滿咖喱嘅海綿，又腍又惹味！啲咖喱甜甜哋，包圍住青口嘅鮮味，完全係喜出望外😍。嘿，嚟講串燒拼盤！肉質啱啱好，雞、牛、豬搭埋泰式醬汁，香氣撲鼻！每一啖都滿足到我呢個肉食愛好者嘅胃🍢。特別係豬頸肉，啖啖肉感，燒焦嘅邊緣仲帶有啲微微嘅甜，夠晒味！炭燒大蝦真係夠晒驚喜🦐，外皮輕輕地焦香，肉質鮮美彈牙，加埋泰式辣醬真係惹味到尖叫！飲品就唔使多講，香濃嘅椰子奶帶點芒果清新，真係解渴又開胃！就算唔係大饕客，嚟呢度都可以體驗到正宗泰風味。不過，建議啲生蝦可以再做得彈牙啲，咁就真係perfect！下次再嚟，我一定要喺呢度繼續開拓更多泰國街頭美食嘅旅程！👍…查看更多

油麻地地鐵站行3分鐘就到 🚶🏻‍♀️大件夾抵食，價錢合理，環境都唔錯😛.地道椰汁雞湯 $88微微椰汁香，酸酸辣辣咁，整體味道唔錯，雞肉夠嫩滑😋.泰皇咖喱軟殼蟹釀巨型焗麵包 $178非常吸睛，大大份，3個朋友一齊食，都食唔晒😛麵包夠脆，好有咬口，不過咖喱唔夠辣，可以辣多少少🤏🏻😛而軟殼蟹幾香口，好大隻😋.香芒蟹肉炒飯 $88一上菜已經聞到好香，色香味俱備，材料有車厘茄、芒果、雞蛋、蟹肉等等，相當豐富，好足料😋…查看更多

好神奇呀海南雞飯：海南雞飯啲飯係孫叔味，我話叔左，小朋友話臭臭。肥牛湯面：湯丸啲牛丸原來凍食架，唔洗煮架，就咁掉落碗湯到，凍食先食得出個層次呀，係我唔識野啫，再加埋油水不分，濃清不知嘅湯底，係大師級呀。服務：最勁係碗酸叔飯，收左入廚房後，再拎番出黎，叫我同小朋友繼續食，點解呀？ 因為肥仔侍應話，佢試過呀，聞過我碟飯，無酸架啲飯，食啦你，食啦嘛。如此嘅金舌頭，如此嘅金鼻子，我深感佩服，正在暗喜，有如此高手在民間，當下正打算落荒而逃。10載無寫過食評，世一店也…查看更多

同老婆叫左2樣野我叫肥牛牛丸河嘩，啲湯有層油係上面，仲有陣陣怪味，肥牛好多肥位, 粒牛丸入面唔熱嘅，唔知放左幾耐老婆個海南雞飯，啲飯有縮味，叫個伙記換，佢話啲飯無問題，最後只換白飯。地方都唔亁淨，地下lapk痴痴…查看更多

香葉肉碎煎蛋飯💰58味道普通，中規中矩串燒拼盤（大）💰118比較有份量，有豬頸肉、牛肉、雞肉，份醬料都幾好味！冬蔭功軟殼蟹意粉🍝💰78冬蔭公味道的意粉幾好味，食落去似蟹餅多d！雞絲扎肉湯河💰58湯比較濃，中規中矩！沒有太驚喜！套餐追加的椰汁西米糕💰15味道一般！哩度坐得都比較舒服，寬敞！中午飯都配有飲品，性價比好高！…查看更多

油麻地地鐵站C出口步行1分鐘就到，因為係樓上舖，需要經過Nathan residence 入。.星期六中午前往食飯，人唔算多，大概佔餐廳一半。.海南雞飯 $58同其中一個朋友都係食海南雞飯，我碟雞比較鞋口，但佢全部滑雞，相信佢好隨意。要稱讚碗飯，油飯椰香味好重，好好食。醬料佢主要提供酸辣醬同蔥油，少咗甜豉油，有啲可惜。巨型麵包讓咖喱牛腩 $58咖喱唔辣，又甜又香，用麵包作為中和非常合適。麵包偏硬身，如果唔鍾意食咁硬，可以浸多一陣咖喱。午餐全部$58，普通凍飲加$3，都非常抵食😋.環境舒適又好食嘅泰國餐廳，絕對係油麻地鬧市中，同朋友見面嘅好選擇👍🏻…查看更多

上個月放工去「泰COOL」食泰國嘢，可能因為平日關係，客人不算多。鮮蝦金柚子沙律酸酸甜甜的口感開胃炭燒豬頸肉，它的質地正常，不會太硬咖哩花甲煲配烤薄餅，將烤薄餅點入咖哩汁中，味道頗夾，不過烤薄餅可能放置的時間稍長的緣故，有些硬硬的口感馬拉盞炒通菜惹味，通菜炒得熟透，搭配著馬拉盞的香辣味鮮蝦炒金邊粉加上一些柚子沙律一起享用，酸酸甜甜的味道非常美味泰式蟹肉炒粉絲的味道相對來說太淡了一些，讓人有些失望碟豆花特飲，這杯特飲不僅外觀漂亮，味道也非常好…查看更多

今次去試泰𝑪𝑶𝑶𝑳🇹🇭！男朋友之前食過呢間油麻地樓上泰國嘢，覺得唔錯，於是帶我嚟食🍽️嗯⋯⋯我好少見有嘢食可以同時做到好食同唔好食？？（注意⚠️唔係難食，佢啱啱好卡喺「好食」同「唔好食」中間）話曬都食過唔少泰國菜，真係唔係好識形容到底發生過甚麼事🤦🏻‍♀️我哋兩個人嗌咗串燒拼盤（大）($118)、青咖喱牛腩 ($88)、原隻大蝦菠蘿海鮮炒飯 ($128)、菠蘿沙冰同熱情果沙冰 ($38/1)，呢間其實幾抵食，份量足、性價比高，食材都煮到啱啱好，唔會過熟👍🏼只係調味方面差咁啲，拉低咗成餐飯水準😢之後經過油麻地再試下，睇下係咪碟碟都咁伏啦🙏🏼…查看更多

平時網上外賣平台呢間多, 第一次堂食, 熱d好食d佢既午餐其實都真係幾抵, 油麻地, 泰國野, 58蚊一個餐仲包埋熱飲! 出餐速度幾好, 都唔少係附近番工既人黎食:) 環境就正正常常啦, 幾乾淨, 冷氣好夠1. 海南雞飯, 泰式熱奶茶海南雞好滑, 雞脾位, 偏肥少少, 如果唔係減肥絕對係上選油飯熱辣辣, 好香, 唔會太油, 算係上選泰式熱奶茶, 正常味道, 唔會太甜, 都ok2. 大蝦咸蛋炒飯, 凍檸茶呢個有d可惜, 因為冇咩咸蛋味炒飯粒粒分別係幾好下次要試下佢d小食! …查看更多

✨串燒拼盤（大）左：豬頸肉 右：串燒豬牛雞先講豬頸肉，食落就感覺上好似唔係好新鮮😂😂😂不過又醃得幾香，肉質唔會好肥，全部部分都係肉嚟。配上沙嗲汁同豉油辣汁食，會令到塊肉濃味好多，不過個人鍾意配豉油辣汁多啲😋而串燒食落勁有香料味，即係檸檬草啊大蒜啊🧄萄汁淋喺面再加串燒本身就夠味，無須額外再配醬汁。✨冬陰大蝦炒飯Umm…呢個有少少失望😂🥲冬陰功嗰種香料味係完全冇，睇落有少少辣椒嘅影子，但我又食唔出有辣🤔炒飯中嘅細蝦唔算脆口，好在相對大隻，面頭嗰隻蝦好香脆 同埋有膏㗎!!!如果佢剝埋殼就更好🍤排除呢啲，啲菇同飯炒得幾好食，我覺得平時出面好少炒飯係好食，呢個炒得幾正，食完一啖又想再食嘅感覺！✨西米椰汁糕椰汁部分好濃密，Even味道上定係質地上都係🥥🍃…查看更多

佢個巨型麵包釀咖喱牛腩真係好吸引!我哋叫咗一份,咖喱食落偏甜又帶辣好好食,牛腩份量唔算好多,巨型麵包有啲硬,要快啲食完避免索唒啲汁!另外叫咗個冬陰功軟殼蟹意粉,冬陰功味道不錯,隻蟹金黃色炸得好靚👍🏻好食!…查看更多

6:45去到，全部坐咗三張4人檯，1張12人檯，客不算太多。睇完餐牌，7點完成點餐，點咗咖哩炒蟹，大蝦金邊粉，椰子雞湯，半隻海南雞，一份薄餅。。。等到7:15上咗個湯，薄餅。。湯即飲係幾甜嘅，有啲冬陰味，唔差，不過7:30分都未見上蟹，催咗3次，至有蟹到，但蟹不是肉蟹，殼大，肉小體積細，只有4件爪位似偷工減料海南雞，半隻108但只有脾，胸和翼位。。其他不見了薄餅已經凍到石頭咁硬，要求更換，等多15分鐘才能返熱，再奉上。可惜已經唔軟熟，而且好實下。。。之後再飲翻個湯已經好鹹。。。好奇怪。返到屋企，口渴到不得了。。。似乎味之素作怪😖😖全單承惠750😞唉，真係無下次…查看更多

叫完 5-10分鐘全部菜就上來。 炒飯啲番茄仔酸曬， 炒河粉啲豬肉都係。 最離譜係咖喱蟹/大蝦 睇得出係凍佐再整熱。咖喱嘅味道真係怪怪啲。 想講邊個來呢度食 唔好有任何期望 真係你要係嗰種人 ： 食得落肚就算。 但我唔係同埋真係最基本嘅炒飯咖哩都整到咁 接受唔到。 唔會再來 亦都唔介紹朋友過來。 P.S我朋友真係食得落肚就算 都話唔好食🤦🏻‍♀️🤦🏻‍♀️ 香港真係有其他選擇。 例如粉嶺 雖然遠但係出佐名好食，老闆好心。 真係好食 價錢同呢間都差不多…查看更多

#搞串個pantry我哋發現有啲異國菜🌏，久唔久都會好想食🫣，而#泰國菜 🇹🇭就係其中一樣。今次就帶大家去食一間泰國菜餐廳。我諗大家都好清楚知道全香港食泰國菜最出名係邊😉，但係今次食嘅泰國餐廳係好多地方都有分店，好方便😋！！一入到餐廳，已經被泰籍侍應姐姐👩🏻‍🦰感染上一股泰國feel。今次我哋就叫咗海南雞飯($58)🐣、火車頭金邊粉轉冬陰公湯底($71)🍜、泰式鳳爪($25)。單論價錢💰，都算平過外面某啲泰國餐廳😊。海南雞飯嘅雞🍗非常多，至少有8舊，有雞腿位同埋雞胸位，食落口亦明顯食得出嫩啲都無咁嫩😛，同時都唔會有雞嘅血腥味。另外，飯就煮得麻麻🙍🏻‍♂️，有啲偏腍。整體配合酸辣汁，都唔錯。而火車頭金邊粉，冬陰公湯底🥣係偏向酸、重椰香味，辣度🌶️偏低，好適合唔食得辣但又想試冬陰公嘅朋友🤩！！碗粉入面嘅料都非常多，有牛腩、牛丸🐮、豬肉丸🐽、魚蛋、豬肉、雞肉，齋食啲料都飽咗。感覺成碗粉係完全靠個湯變成有泰國風味，啲配料單食嘅話，都似港式粉麵店😂。泰式鳳爪就唔會太辣，唔會太酸。因為餐廳都多分店✌🏻，大家如果經過又諗唔到食邊間泰國菜，都不妨去試吓😎！…查看更多

幫襯過超多次，午市套餐好抵食，而家出面普通茶記食個飯都超過$60‼️但係呢度$58黃咖喱牛腩飯，超大碟，夠晒飽肚😋牛腩炆得幾淋，唔會過肥，咖喱超濃，送飯一流！呢個咖喱都幾受歡迎，左邊同右邊兩枱都同時叫咗😂飲品方面，叫咗泰式奶茶，原來呢度凍飲要加$6，另外加$10-20就有迷你小食，選擇都幾多，例如有生菜包同蝦餅等等！餐廳幾大，適合一班人聚餐！更值得讚嘅係，餐廳喺每枱都提供紙巾，因為依家好多餐廳都冇再提供免費嘅紙巾，其實好唔方便！…查看更多