影片
更多
2021-10-30
805 浏览
.📍金西南米線📍 #饅頭去銅鑼灣 #饅頭食中式菜小編曾經係個嗜辣嘅人，但係自從要戒口之後就好少再食辣，而家嘅受辣程度亦退步咗，不過喺健康嘅角度嚟講係好事。------------------------------1️⃣雲南過橋米線 加豬肚 多米 ($55 + $7)呢碗係小編同友人分享嘅。湯底我地就嗌咗麻小辣，橙紅色咁幾吸引🤤，飲得出係有嚟自辣椒油嘅少許辣味，又唔會太油太嗆鼻，不過麻感就冇乜😥，而且味精少許偏重，食落有啲鹹，但可以接受；湯底啖啖嘅薑蔥味，同麻辣都幾夾😋。價錢除翻開睇落好抵食，但其實佢麵量唔多，米線質感未到到好淋，有少少彈牙嘅，我比佢合格；米線亦幾掛湯，每一啖都有少許香辣🤪。餸就有豬大腸、腩肉、豬肚、火腿同腐竹。大腸淋淋地有嚼口，而且冇咩異味，同麻辣係絕配😍，可惜佢比嘅油脂部份偏多，我比較鐘意更有嚼口嘅直腸部位；豬肚煮得偏淋🧐，個人覺得唔夠爽口，但友人幾滿意；火腿同腐竹就普通嘢冇咩好講，腐竹幾有咬口；腩肉就有驚喜💯，油脂分佈均勻，煮得夠淋，唔會淡而無味又乾柴。整體嚟講，建議大家唔好expect佢好好食，但都唔會伏，如果路過，又唔想食連鎖店嘅嘢可以一試。-----------
📍金西南米線📍 #饅頭去銅鑼灣 #饅頭食中式菜
小編曾經係個嗜辣嘅人，但係自從要戒口之後就好少再食辣，而家嘅受辣程度亦退步咗，不過喺健康嘅角度嚟講係好事。
------------------------------
1️⃣雲南過橋米線 加豬肚 多米 ($55 + $7)
呢碗係小編同友人分享嘅。湯底我地就嗌咗麻小辣，橙紅色咁幾吸引🤤，飲得出係有嚟自辣椒油嘅少許辣味，又唔會太油太嗆鼻，不過麻感就冇乜😥，而且味精少許偏重，食落有啲鹹，但可以接受；湯底啖啖嘅薑蔥味，同麻辣都幾夾😋。
價錢除翻開睇落好抵食，但其實佢麵量唔多，米線質感未到到好淋，有少少彈牙嘅，我比佢合格；米線亦幾掛湯，每一啖都有少許香辣🤪。
餸就有豬大腸、腩肉、豬肚、火腿同腐竹。大腸淋淋地有嚼口，而且冇咩異味，同麻辣係絕配😍，可惜佢比嘅油脂部份偏多，我比較鐘意更有嚼口嘅直腸部位；豬肚煮得偏淋🧐，個人覺得唔夠爽口，但友人幾滿意；火腿同腐竹就普通嘢冇咩好講，腐竹幾有咬口；腩肉就有驚喜💯，油脂分佈均勻，煮得夠淋，唔會淡而無味又乾柴。
整體嚟講，建議大家唔好expect佢好好食，但都唔會伏，如果路過，又唔想食連鎖店嘅嘢可以一試。
------------------------------
🔸整體評分：7.0/10
🔸小編回頭率：6/10
雲南過橋米線 加豬肚
$62
67 浏览
1 赞好
0 留言
张贴
