影片
更多
2017-03-14
72 浏览
大排檔！！喺銅鑼灣食大排檔！！仲要係西餐大排檔！！玩嘢咩！！吓！！唔係喎，原來真係有㗎喎！！餐廳真係裝修到似模似樣，有啲味道喎。內裏裝修，除了有西餐廳的味道，亦不失大排檔風味，好難得可以食住西餐睇電視。海鮮拼盤（鮑魚、生蠔、帶子刺生、蝦、聖子刺生），加69蚊就有，要推！！推！！推！！！拼盤一上枱，大家都不其然“嘩”一聲，再兩眼閃晒咁，呢69蚊真係俾得好鬼抵。帶子和聖子刺生，新鮮，用料絕不欺場。生蠔雖然不是外面幾蠔吧的大大大隻，但也貨真價實，淡淡的海水味配點鐵銹味，一口就鯨吞咗佢。鮑魚就絕對一讚，首先肉質彈牙，不過絕不韌，而且整得好入味，直頭想Encore多一隻。而蝦，就普普通通，一啲都唔簡單，爽彈！！不過，唔好意思，雖然餐廳配了三種醬料（蜜糖芥末汁、香草汁、芥末醬油），但由於海鮮本身已經好鮮味，所以我冇用到，浪費咗廚師的一番美意。黑松露蘑菇湯，上枱見到，嘩！正！因為我個人比較喜歡唔好打到啲蘑菇咁碎，要有咬感，就Prefect晒！湯中的菇菌味好出，再混入濃濃的黑松露，‘’只容响口，唔容响碗‘’。燒西班牙橡果級黑毛豬肉眼蓋，黑毛豬，在國際間可算是頂級美味食材，不過就其食用價值而言，也是近年
餐廳真係裝修到似模似樣，有啲味道喎。
內裏裝修，除了有西餐廳的味道，亦不失大排檔風味，好難得可以食住西餐睇電視。
海鮮拼盤（鮑魚、生蠔、帶子刺生、蝦、聖子刺生），加69蚊就有，要推！！推！！推！！！拼盤一上枱，大家都不其然“嘩”一聲，再兩眼閃晒咁，呢69蚊真係俾得好鬼抵。帶子和聖子刺生，新鮮，用料絕不欺場。生蠔雖然不是外面幾蠔吧的大大大隻，但也貨真價實，淡淡的海水味配點鐵銹味，一口就鯨吞咗佢。鮑魚就絕對一讚，首先肉質彈牙，不過絕不韌，而且整得好入味，直頭想Encore多一隻。而蝦，就普普通通，一啲都唔簡單，爽彈！！不過，唔好意思，雖然餐廳配了三種醬料（蜜糖芥末汁、香草汁、芥末醬油），但由於海鮮本身已經好鮮味，所以我冇用到，浪費咗廚師的一番美意。
黑松露蘑菇湯，上枱見到，嘩！正！因為我個人比較喜歡唔好打到啲蘑菇咁碎，要有咬感，就Prefect晒！湯中的菇菌味好出，再混入濃濃的黑松露，‘’只容响口，唔容响碗‘’。
燒西班牙橡果級黑毛豬肉眼蓋，黑毛豬，在國際間可算是頂級美味食材，不過就其食用價值而言，也是近年來才廣為香港人所熟悉。這種頂級黑毛豬，與野豬的血源相近，採半野放的方式在橡木林中放牧，飼料以橡木子、香草等為主，去除了豬肉的羶味，帶著獨一無二的榛果香味，濃郁且鮮嫩，吃時不感油膩，營養價值高而且健康。廚師把肉眼蓋外邊故意的烤到脆脆的，以增加其口感，但肉質還仍然保持非常的軟化，一啲都唔韌，牙簽BYE BYE。所以宜家朋友間都標榜，好嘅豬肉，絕對GOOD過好嘅牛肉。
燒紐西蘭羊鞍，好羊的我，又點會錯過。五成熟，對於體積不大的牛羊，絕對是最合適的食法。上枱時，點解得兩舊咁少，其他餐廳都三條骨喇，再睇真啲，咦，原來呢間餐廳鍾意行“雙咇”，所以原來係有四條骨。羊鞍燒到好香，加上五成熟，輕輕的一刀，就輕易的切開，配上薄荷啫喱醬，還有更美好的事嗎？
另外，套餐加38蚊就可以order紅或白酒，質量不差，按你的喜好，為呢一餐，畫上一個完美的“。”。
张贴
