one+one café & bar (已結業)

呢間位於洒店內既餐廳，自佢裝修後都未去食過，除左早排世界杯有幫襯過，餐廳安裝了大電視，所以睇球賽真好有氣氛。早幾日見openrice有佢優惠券，半自助餐第二客可獲半價，所以今日特意訂左枱來試一試。雖然正值lunch hour但客人唔多，食物方面冷盤食物種類亦唔多，好在尚算新鮮，而熱湯有兩款，中式粉葛湯及西式南瓜湯，另外甜品方面則唔多吸引，蛋糕食落亦覺得太死甜。冷盤有雜果沙律，薯仔沙律，煙鴨胸，凍肉片甜品及生果叉燒飯，叉燒厚切咬落有口感，夠入味及嫩冧。四寶鹵水飯，味道還可但份量好少。