本原純素

营业中

休息中

見咁多好評，終於有機會約了朋友來試試。天氣太熱，行到身水身汗，但店舖冷氣風大卻不太夠冷，朋友唯有話心靜自然涼⋯選擇不太多。叫了炸天貝，泰北咖喱金麵配腐皮雞腿同埋特別推介嘅菠蘿炒飯，兩杯嘢飲。天貝當然無咩特別味道，係靠醬汁，醬汁有三種，黑松露好味啲。我覺得都撇除了本身的怪味，都ok。朋友就唔係好慣隻味。麵就好普通，腐皮係一般貨啦，話係咖喱但味道不辣的，整體OK啦，份量不多，感覺不值得這個價。（可能中環係咁？）菠蘿炒飯是比較好的，不算油膩，味道一樣係好standard，餐牌話少少辣但我覺得唔辣。服務就真係好一般。我地兩人share黎食，叫佢比多隻碗食麵，真係得隻碗，筷子都唔會比多一set你⋯ 啲 staff 可能好多附近熟客，打招呼好開心，或者無咩興趣理其他客。 埋單有得reg會員拎$10 coupon，但個system都有點麻煩。感覺有點overrated，應該試過一次夠了。