Chop Chop 食神叉燒 (新城市廣場) (已結業)

放假試新野，新張優惠一百蚊有二人餐，有一碟叉燒，兩碗湯，兩碗飯，熱飲加六蚊。基本上大部分人都係叫呢個，因為真係幾抵食，個湯係普通例牌中湯，冇咩特別。白飯都幾多，不過如果飯可以再熱啲就好。個蛋係半生熟，可以撈飯食，唔錯。叉燒唔多肥肉，對我黎講就岩岩好。另外仲有個梅子醬，比較少見。特式算係食午餐唔多地方有叉燒餐食，但除此以外都係茶餐廳級數。新開張職員有啲唔熟手，餐牌同水都叫左幾次先有，不過都係少問題，遲啲應該會好啲。總括嚟講，品質一般，正價我未必會食，因為性價比唔高。順帶一提，佢未有信用卡機，有啲唔方便。