獨當一麵 (已結業)

屋企附近開咗間麵店，原來係羅坤發後人開。我從來無響旺角食過，亦唔知佢大名鼎鼎。睇OR，見胡椒豬骨湯同豬扒出名，一於點嚟試吓。我平時最鐘意飲胡椒豬肚湯，但今次一見到碗湯，真係大失所望。D湯頻色淡到似溝水(唔知係咪我成七點半去食，已經幾乎賣哂就俾D咁嘢我)，D料亦都無下面果個圖咁，豬骨得一舊好似去酒樓食排骨果D咁大小，豬肚咸菜都係切絲，幾係浮游響碗米線中，無錯個湯係有胡椒味，咪就係得胡椒味囉，咸菜、豬骨味、鳳爪膠質? 通通都無。我叫咗中辣，一路食一路覺得好似飲緊淡鹽水加大量胡椒咁。至於個秘製豬扒，個味道都OK，但盛惠十蚊塊炸豬扒，唔夠手掌一半大小，好似...有D過份喎,....。最後一提，小店裝修似乎仲未整好，近門口個冷氣機係咁滴水，埋單時等咗幾分鐘，無奈店面太細，焗住滴。