影片
以上资料只供参考，请与餐厅确认详情
成日系元朗蒲头的我竟然要朋友介绍先知道有间咁嘅饺子放题。。。。😳😳咁趁放假就专程嚟试一试佢啦！先唔讲佢好唔好食， $58蚊饺子任食本身都已经系劲抵，由其是对于我地呢D大食人士一坐低首先俾咗碗汤我饮，系猪骨莲藕栗米汤，好足料跟住落单叫饺子，老板问我有冇咩唔食，我话每样都嚟D试下啦~好快就俾咗２大碟我，每碟有15~20只左右佢主要有４款，栗米猪肉饺﹑白菜猪肉饺﹑黑毛猪韭菜饺同茴香猪肉饺而且４款饺子仲可以拣煎或煮整体嚟讲４款都算皮薄多肉多汁一路食老板就已经问定我洗唔洗再添，要唔要试下佢地D面，都唔洗加钱不过面我就觉得一般，而且好顶胃，可以留返个胃食更多饺子我最后都差唔多食咗成80只，老板仲送咗一细碟腌萝卜嚟俾我消化下，仲问我够唔够饱😂下次再过嚟食呀咁老实讲我真系几满意呢间，未至于D人批评到佢好差咁，个价钱就摆晒系到，任食到饺子＋锅贴＋面＋普通茶＋汤＋腌萝卜＋老板热情好客嘅态度仲想奢求乜野米芝连级数呢？？点都好过你系超市买急冻饺仲要又煮又洗啰
继续阅读
完全中伏，见电视节目影出黎又大粒又多汁，但从来未食过咁难食既饺子，原本$58任食，都唔会抱太大期望，但冇念过差得咁紧要😤，首先，以为自己可以选择食边款，但变左配给🙈，第一转员工分每人大约4-6粒，有两款，同员工讲想食另外两款，冇得选择，咁唯有照食其他，一等就十几分钟先再出第二转，跟本等于冇得你选择，焗你食，佢出咩，你食咩，唔食就冇得食，饺子皮好厚，好细粒，有几粒直情肉少到得皮😒，仲衰过超市急冻饺子，食完返去超口渴，建议大家不要试
继续阅读
饺子放题之前见电视介绍，咁啱系屋企附近，一路都想去试，终于今日同屋企人试咗。😜之前星期日经过见好多人，要等位，所以拣平日去，食饭时间都唔系好多人，唔使等位，$58 45分钟包一个牛尾汤或者虫草花鸡汤，鸡汤都唔错，但牛尾汤好好味，饺子系比较细只少少嘅，水饺同锅贴全部款试晒，如果你冇特别唔钟意食边款，佢通常都系攞个盘装起你个碟𠮶度，个人钟意食锅贴多个水饺，味道冇乜特别唔同，食咗几多只我都冇数住，但$58性价比都算高，可以一试。另外值得一提系姐姐啲服务态度好好，好有礼貌。本来每人只包一碗汤，但屋企人话牛尾汤好好饮，问佢可唔可以再加少少，佢都冇问题，我本来系叫咗鸡汤嘅，之后问佢可唔可以俾少少我试吓，姐姐都冇say no。🥰
继续阅读
放题方式唔系自己落单，唔系自己决定食咩同食几多，而系坐定定，等佢派饺子。两个人食，每次派4只，每次隔5-15分钟不等，食45分钟，每人食得14只佢无赶人走，但最终自己顶唔顺走人。讲真，唔好味同唔饱都唔系重点，浪费时间先系最惨。$58饺子放题，原本都唔抱太大期望，佢亦无令人失望，可能因为价钱问题，部份饺子薄到得块皮咁滞顺带一提，放题价钱唔包饮品。仲有留意返，10只净饺都系$38-48，所以俾多$10食多2只都好似好合理。总结，真系不可一不可再
继续阅读
今日原本专登入元朗去俩口小吃食刈包，但点知门口贴咗内部装修休息一天！唯有去揾其他嘢食，转弯见到饺子放题决定去一试！入到去店员问你系咪食放题，然后就问你要牛汤定鸡汤，我同店员讲我想要白菜同韮菜饺，但佢话厨房会煮一盘出来到时会分俾你！于是我唯有等⋯ 10分钟后终于有得食，店员拿出一盘饺分配俾各枱食客，而我分配到9只：6只茴香及3只粟米。大镬！我唔钟意食茴香㗎！于是我同店员讲，佢话佢都控制唔到厨房煮咩饺出嚟。过咗一阵店员系冇问过我要唔要嘅情况下放咗6只煎饺系我只碟就行开了！救命！我都无话要煎饺，但最重要是有3只系茴香！我再问店员究竟除咗茴香饺之外，会唔会有其他味道菜饺，她说仲有白菜、粟米同韮菜。最后我再等多一转，店员给再分6只俾我。终于有3只韮菜 …..仲有3只茴香！呢次饺子放题我一共食咗21只，但其中有12只系我唔钟意嘅茴香啰！
继续阅读