老爺冰室 (已結業)

炎熱嘅中午跟同事ㄧ起食 lunch，大家都唔知想食咩，剛巧行經這店，見到門面有趣招牌寫「老爺冰室」即日放映，即管入去試下先。室內掛有好多關於電影的佈置，好有懷舊氣息。坐下後我們都點了兩客午餐 share 食。午餐包括有是日例湯、主食和飲品。例湯是南瓜瘦肉湯，清清地冇加味精。主食叫台式肉燥漢堡扒大碗飯，兩片漢堡扒沒什麼特別，肉燥都唔會太咸，用來送飯剛好。另ㄧ主食叫BBQ豬扒配黑松露炒蛋飯，賣相唔錯，豬扒煎得甘香，肉質唔韌。蓋在白飯上的黑松露炒蛋又滑又香噴噴，真係食慾大增。最後飲返杯熱檸水，檸檬好香，冇苦澀味，清清口腔。午餐有咁大份量而只是收四十幾蚊，都算抵食。