影片
下午茶时间帮衬咗呢间茶餐厅，因为唔系好肚饿，见个餐牌写住「食神汤面」咁爸闭，于是叫咗叉烧煎蛋汤通粉配合桃莎莉蛋糕，野饮就要咗热咖啡。杯咖啡真系好好饮，有惊喜，香浓做到恰到好处，难得茶餐厅都做到咁嘅水准，真心掂。个叉烧煎蛋汤通粉嘅煎蛋竟然系煎到脆边，唔知系佢一向都咁高水准定系我好彩呢？下次帮衬再试试先。合桃莎莉蛋糕都几过瘾，真系好耐无食过莎莉蛋糕，呢度竟有得跟餐。佢呢度薄薄地切两片，不过我个人觉得厚切咬落去会开心啲。
继续阅读
朋友带我试呢一间位于深水埗的茶餐厅，我心谂咪督系一间普通茶记，仲要深水埗区，不过试完之后竟然有惊喜。我地两个人早餐时间帮衬，一个叫咗最传统嘅雪菜肉丝米，另一个就叫咗个黑松露炒蛋厚多士。先讲个雪菜肉丝米，整体味道又真系比一般食到嘅高，尤其是系个雪菜，个味道腌得几好，有香味兼唔太咸，肉丝嘅肉质都OK。至于个黑松露炒蛋厚多士真系有惊喜，黑松露无乜电油味，而更重要嘅就系个炒蛋嘅蛋汁无搞湿件厚多士，如果湿咗就会搞到件多士淋晒，到时仲点食，呢度控制个炒蛋控制得好好，好难得喺茶餐厅食到咁嘅质素。
继续阅读
😈邪恶下午茶·紫薯芝士西多士 哇😍切开见到厚厚嘅紫薯蓉，啖啖浓郁紫薯味，呢个西多士真系不得了，食完超级饱，好有满足感！·飞仔华田华田同平时饮嘅一样，特别在加咗早餐脆脆同马卡龙，撒上朱古力针变成一杯特式港式饮品，卖相不错！不过马卡龙真系好甜呀～食完呢个下午茶即刻觉得自己肥咗几磅🤣
继续阅读
正常的茶餐厅味道 味道不算突出 服务算好 在深水埗来说 价钱跟周边的差不多 不算贵 但位置不是常会经过的地方 跟餐的饮品 是少见的大杯装 可能是加8$的原因 环境装潢是有放心思去做的
继续阅读
今日唔C服叫个户户送外卖，一到见到个哈哈笑袋已经好精神，打开个袋见到送左2个桔比我，个心情好似少女收花咁心花怒放，野食唔多讲，外卖野竟然食到堂食感，虾多士仲系脆，你地究竟在包装花了几多精神心机，你地心知肚明啦。
继续阅读