賓墟冰室

营业中

休息中

平時去完迪士尼玩，我哋都會出青衣食晚飯，次次都係青衣地食，好多次經過「賓墟」都話食，今次終於去食啦！老實講，佢個門口都幾吸引，最重要係佢個名吸引！我哋叫咗「椒鹽茄子鮮魷」，新鮮熱辣上枱，不過熱辣辣食，我被嗰啲沾滿椒鹽粉嘅炸蒜辣親，直攻上鼻，人都癲！不過放涼少少又ok喎！不過呢個配搭都好食！我至愛椒鹽鮮魷。必些呢個「蘿蔔牛腩煲」啲白蘿蔔勁入味，啲牛腩牛筋都好淋，成味餸用嚟送飯一流呀！其實佢哋做緊優惠，叫一個小菜，第二個係計半價，不過我哋食唔到太多，就叫咗3個，雖然唔抵，但都唔想浪費食物！呢個「梅菜蒸肉餅」，清清地，送飯都食唔停口，小朋友至愛。最後，原來帶小朋友嚟食飯，埋單會送金幣比你，可以用啲金幣去佢哋嘅夾公仔機玩，我哋好成功咁夾咗3隻熊仔鎖匙扣，小朋友最開心。