Give Me 5 (已結業)

晚市放題明明寫到明話係「任食澳洲穀飼牛扒！」去果個陣老細話到明：出面沙律+甜品+燒肉任食，牛扒&黃春雞要食就要揾人叫。叫左三份牛同一份雞之後就出去攞左啲燒肉試下，點知佢俾得細細份，又乾又硬 咁都算啦，有牛扒。侍應黎左份雞同薯條就冇，隔咗一排，啲牛扒都未黎。叫人追一追，結果佢地話出面啲燒肉係「牛扒」喎？！同佢地投訴，竟然攞啲燒肉入廚房度煎一煎就俾我地！！明明人地撰文影相果啲根本唔同，依家食果啲同酒店啲cheap cheap牛肉一樣！仲要成200幾蚊，一啲都唔抵！！！我寧願用相同價錢去食其他放題。