Lounge Hakuba

营业中

休息中

喺銅鑼灣搵到呢間樓上酒吧，原來同couch club 合作，夜晚先會開，特別主打日本風味Cocktail同日式fusion食物！雖然係酒吧但係佢哋嘅食物都好高質！入咗之後會有一個木盒介紹佢哋有嘅Cocktail ，用日本花木命名，如果唔係好識飲酒或者諗唔到想飲乜嘢仲可以擲骰仔決定🤣今次就嗌咗二人餐，勁多嘢食，最後食到好飽！前菜有芥末八爪魚、炙燒帶子同炙燒三文魚！覺得芥末八爪魚特別好食！份量極多，咬落去爽脆微辣，好適合送酒！然後有柚子單骨雞翼同唐揚豆腐，本身以為雞翼係小食得幾隻，點知上枱嗰下鋪到成座山咁🤣而且係好食!香脆可口，配上酸甜嘅柚子醬接着係串燒拼盤同創意壽司卷物，串燒包括雞肉、豬肉、豬肉鵪鶉卷同明太子山藥!然後仲有一個煮食，揀咗牛肉照燒烏冬，雖然前面已經食到好飽，但係呢個真心推薦！讚岐烏冬索滿照燒汁，超入味，配埋流心溫泉蛋，入口第一下烏冬滑溜，口感帶點煙靭！最後仲有個牛奶布甸配雪糕，奶香味十足！