影片
港铁铜锣湾站 D4 出口, 步行约3分钟
继续阅读
电话号码
21111707
开饭介绍
装潢灵感来自世界知名的登山胜地白马，更设有户外露天座位，让客人体会当地居民和冒险者们所热爱的Apres Ski居酒屋氛围。
继续阅读
营业时间
今日营业
17:30 - 02:00
星期一至日
17:30 - 02:00
公众假期前夕
17:30 - 03:00
以上资料只供参考，请与餐厅确认详情
-
网上订座服务暂停
相关文章
之前有日工作经过铜锣湾世贸旁边既535发现大堂的一角有间好特别既酒吧餐厅店内装潢看似简约又颇格调有梳化位 又有皮椅位 坐得好舒服重点系楼底好高 座位间距宽敞而且设有户外区 适合拍拖或者朋友相聚适逄我地去当晚 港队有足球赛事餐厅更加有落地大投影幕直播 颇有气氛而且佢地既二人前套餐只要$650就可以食匀12道菜又真系抵 真系值得再去 //Cocktail//好有印象我望住drink menu Cocktail有好多选择但餐厅好有仪式感可以掷骰由个天帮你安排边一杯岩晒我呢D选择困难症 //Sakura Blessing//第一杯卖相吸睛入口带柔和花香微酸清爽 容易入口 //Morning Dew//第二杯就是用白兰树下Gin做base加埋柠檬汁、紫苏叶Liqueur同Tonic制成酸酸地都好易入口 //前菜（3款）//芥辣八爪鱼：八爪鱼烟烟韧韧 沾满wasabi酱少少攻鼻 少少刺激食落又好过瘾炙烧北海道帆立贝：轻轻用火枪烧过令表面焦香帆立贝好鲜甜加上了柠檬汁令甜味更突出好开胃 炙烧三文鱼：个人黎讲几分钟呢个半生熟 入口即溶既口感三文鱼肥美 鱼油劲香 //串烧（4款）//溏心蛋豚肉卷：呢个出色! 豚肉包住流心蛋黄时间控制得非常之好而做到好好味既溏心效果刚好中和左豚肉既油腻感紫苏鸡腿肉：用咗孜然同柚子调味再用上紫苏叶去中和番 配搭相当恰当鸡腿肉肉质嫩滑 食落好感几丰富明太子山药：山药爽脆 配上了明太子酱既咸香味道夹得刚好金菇肥牛卷：肥牛多汁 金菇份量足用酱烧方式 酱汁惹味 //逸品料理(2款) //唐扬炸豆腐：豆腐外脆内软 好松脆又多汁 甜甜辣辣炸鸡：估唔到份量甘多 又几抵食外层炸得香脆 炸浆唔会太厚肉质仍然嫩滑多汁 酱汁甜而不辣加上蒜味几出又几似韩式炸鸡 //太卷//寿喜烧牛肉：牛肉配上酸瓜呢个组合 做饭卷够经典个牛肉加上了寿喜烧汁做base更香甜牛油果忌廉芝士：忌廉芝士本身好creamy既口感加上了牛油果都系creamy牛油果却可以增加多一层清新既味觉 //主食: 鳗鱼炒饭//本身去到呢个位其实已经饱左但个炒饭又相当吸引呢个炒饭口感我几钟意简简单单用蛋、葱花同珍珠米炒成浓郁既鳗鱼汁令整体口感好似食紧炖饭甘 好入味 鳗鱼好大份 //甜品//乌龙茶牛奶布甸：茶味好出 布甸口感好滑入口一点又不甜连埋个云呢拿雪糕食会更加凉快
继续阅读
想揾铜锣湾区一间坐得舒服嘅居酒屋，呢间餐厅值得一试。店内装潢以日本白马滑雪胜地为主题，简约得嚟有格调。楼底好高，座位间距宽敞，坐得舒适。他们的二人前套餐只要$650就可以食匀11道菜。前菜（3款）芥辣八爪鱼：八爪鱼爽口，沾满wasabi酱味够呛但唔会太攻鼻。炙烧北海道帆立贝：表面焦香，加片柠檬提鲜，甜味突出。炙烧三文鱼：半生熟口感肥美，鱼油香浓，入口即溶。串烧（4款）溏心蛋豚肉卷：豚肉烧得香口，包住流心蛋黄一齐食，甜咸平衡好滋味。紫苏鸡腿肉：调味有孜然同柚子香，肉质嫩滑。明太子山药：山药爽脆，配咸香明太子酱，味道夹得刚好。金菇肥牛卷：肥牛外脆内多汁，金菇份量足，酱汁惹味。逸品料理（2款）唐扬炸豆腐：豆腐外脆内软，吸满汤汁，口感滑溜。甜甜辣辣炸鸡：酱汁似韩式甜辣风，鸡皮炸得香脆，食落唔会太油腻。太卷寿喜烧牛肉：牛肉入味又多肉汁，配酸萝卜解腻，劲正。牛油果忌廉芝士：芝士浓滑，牛油果增加creamy口感，味道偏浓厚。主食（2选1）寿喜烧牛肉乌冬：汤汁甜度适中，乌冬吸味，牛肉软嫩，加温泉蛋更滑溜。甜品乌龙茶牛奶布甸：茶味清香，布甸滑顺，甜度轻盈，雪糕仲好好食添。饮品方面，一定要试试他们的特色Cocktail，有选择困难症的朋友仲可以掷骰仔方式决定，有得玩又有得饮。Shiitake Oldfashion-松 $138以威士忌为基底，入口竟带淡淡菇菌香气，独特惊喜，值得一试。Sakura Blessing-樱 $128少女心爆棚的粉红系打卡酒款！以Daiyame烧酒与Roku琴酒为底，加入樱花利口酒，酸甜清爽。
继续阅读
环境5分：酒吧餐厅就响世贸隔离，地点非常方便。餐厅地方唔算特别大，但系个楼面劲高，有梳化位有皮凳位，两样都好舒服，播D歌好轻松，格调好好，可以畀五分。卫生5分：梳化位同散枱都非常整齐，枱面同餐具好干净企理，卫生一样畀五分。服务5分：侍应生好好心机介绍佢地主打嘅鸡尾酒，落单后即畀左大大樽水，备菜上菜都咁快，效率好高，满分。味道5分：1) 第一杯Smoky Ume “梅” 鸡尾酒个威士忌味好出，酒量足，而且甜度啱啱好。2) 第二杯Wachini “山” 鸡尾酒（$138）非常美丽嘅装饰摆设，杯酒有紫苏叶嘅味道，旁边有青瓜同紫菜，紫菜有wasabi味道，好醒神，非常特别。3) 叫左个十一品嘅二人前套餐，包左前菜，串烧，逸品料理，太卷，主食同甜品。a) 前菜拼盘有三样野。芥辣八爪鱼烟烟韧韧。炙烧北海道帆立贝好鲜甜，配埋Ｄ柠檬汁落去好开胃。炙烧三文鱼都几厚肉，烧完都唔干身。b) 串烧拼盘有溏心蛋豚肉卷，紫苏鸡腿肉，明太子山药，金菇肥牛卷。个溏心蛋非常成功，蛋黄流晒出嚟，瞵豚肉包住好有层次又有肉味。紫苏鸡腿肉啖啖肉冇骨，一串有两大旧。明太子山药好爽脆，上面D明太子又唔系好咸，仲有烧左嘅芝士，三样嘢加埋好夹。金菇肥牛卷中间D金菇非常大抽，D肥牛又唔韧。c) 逸品料理包左个好松又多汁嘅唐扬炸豆腐。d) 逸品料理另外拣左个蜜糖柚子鸡翼，细细条又香又脆卜卜，送酒好鬼正。e) 太卷有两款寿喜烧牛肉卷同牛油果芝士卷，每样有四小旧，个牛肉好香甜，个牛油果芝士卷芝士忌廉非常多，差唔多占三分之一，好润好特别。f) 主食拣左寿喜烧牛肉乌冬，Ｄ牛肉好爽好juicy，乌冬好粗好滑份量多。g) 甜品拣左乌龙茶牛奶布甸，个牛奶布甸本身好柔软，仲一D都唔甜，个乌龙茶味好轻，连埋个云呢拿雪糕食会更加香滑凉快，有生果食好健康。抵食5分：每人四百几蚊边饮边食个咁丰富嘅二人套餐，有好歌听特别享受，抵食满足。
继续阅读
一踏入铜锣湾536 Tower，真系好似搭䢂𠮶下已经穿越咗去第二个世界咁！个升降机大堂竟然可以间开一个咁嘅空间，完全系别有洞天，设计得几有格调！今次试咗佢哋个二人前套餐，$650可以食匀十一道菜，听落都几抵。1️⃣前菜三点盛，极致滋味打响头炮：芥辣八爪鱼：啲Wasabi劲呛口，攻鼻得嚟又好刺激，八爪鱼口感几爽脆，食落真系好过瘾。炙烧北海道帆立贝：帆立贝表面轻轻用火枪烧过，带点焦香，夹埋片柠檬，鲜甜味即刻出晒嚟。炙烧三文鱼：半生熟嘅状态啱啱好，口感超肥美，三文鱼油嘅香味浓到化唔开，真系有入口即溶嘅感觉。2️⃣跟住系四款串烧，各有特色：溏心蛋豚肉卷：呢个一定要赞！个溏心蛋嘅「溏心」效果拿捏得非常之好，流心效果一流，蛋黄嘅香滑正好中和咗烧豚肉嘅油腻感，两样嘢加埋原来咁夹，👍🏻！紫苏鸡腿肉：用咗孜然、柚子同紫苏叶去调味，个味道层次几丰富。不过可能烧得比较耐咗少少，肉质食落有啲偏干身。明太子山药：山药本身口感几爽脆，配埋咸香浓郁嘅明太子酱，味道出奇地平衡，唔会太寡又唔会太腻。金菇肥牛卷：经典嘢，用咗酱烧方式，外层嘅肥牛烧到有少少脆口；入面嘅金菇份量十足，成卷咬落口感好扎实。3️⃣食完串烧，就到逸品料理：唐扬炸豆腐：睇个样平平无奇，但食落先知有料到！呢度啲炸物个脆皮真系做得几出色，外脆内软，旧豆腐滑到超级夸张😆，争啲用筷子都夹唔起。简简单单点啲酱汁，已经令人好有记忆点。甜甜辣辣炸鸡：我哋拣咗呢款，份量有成八嚿，感觉几抵食😝！最欣赏系佢个炸浆做得好轻巧又脆身，唔会太厚；面头嘅酱汁唔会过多，恰到好处，食落有阵阵蒜香，甜味之中慢慢渗出辣劲，呢个几推介~4️⃣然后系两款太卷：寿喜烧牛肉：牛肉配酸瓜呢个组合，基本上系不败之作。值得欣赏嘅系佢哋啲牛肉都几有质素，食得出浓郁嘅牛味。牛油果忌廉芝士：哗！呢个真系不得了！一啖咬落去，成嚿Cream Cheese嘅浓滑感即刻爆发出嚟，超级Rich！正当你以为会好腻嘅时候，牛油果酱𠮶种清新嘅质感就慢慢涌现，加埋爽脆嘅青瓜，𠮶种层次感嘅转换...… 🥹🥹🥹 大推！一定要试！5️⃣主食（2选1）：鳗鱼炒饭：个炒饭底我几钟意，简简单单用蛋、葱花同珍珠米炒成，饭粒分明，再配上味道浓郁嘅鳗鱼汁。最欣赏系啲鳗鱼俾得几大块，而且好完整，睇得出唔系用啲碎湿湿嘅鳗鱼，呢份用心值得嘉许。6️⃣最后系甜品：吉士鲷鱼烧：呢个要另外加$38，作为甜品收尾都唔错。7️⃣饮品方面，佢哋啲Cocktail都几有特色，我哋拣咗两杯：松：呢杯系Whisky底，饮落竟然有淡淡嘅菇菌香气，几特别。山：呢杯个卖相真系无得输，成个盆景咁，打卡一流！味道方面以紫苏味为主，加埋青柠汁，几清新。总括嚟讲，呢餐真系食得好丰富，由环境到食物都充满特色同惊喜，绝对值得一试！
继续阅读
朋友介绍话铜锣湾喱到有间LOUNGE HAKUB好chill，喱日早早就收工，约埋FD一齐去hea 下~首先一入到去感觉LOUNGE HAKUBA环境都几唔错好，座位间距起码唔细，可以享受到私人空间。背景音乐轻柔，令整个用餐体验更添愉悦。佢哋嘅饮品选择相当丰富，特别系各式各样嘅cocktail。每款Cocktail都精心调配，口味独特，值得一试！我哋叫咗个二人前套餐：芥辣八爪鱼配上微辣嘅芥辣酱，几开胃。北海道帆立贝同灸烧三文鱼都系非常新鲜，令人惊喜。唐心蛋豚肉卷/紫苏鸡腿肉/明太子山药/金菇肥牛卷串烧比较少食到明太子山药，原来都几好食架。明太子的香气配搭清清既山药非常合适，口感特别。蜜糖柚子鸡翼鸡翼外脆内嫩，蜜糖嘅甜味同柚子非常夹。寿喜烧牛肉卷/牛油果芝士卷比较钟意牛油果香滑同芝士嘅搭配，口感层次分明，好食。寿喜烧牛肉乌冬保持到日式寿喜烧个种香气，牛肉鲜嫩。乌龙茶牛奶布甸作为甜品，布甸滑顺，搭配乌龙茶嘅香气，好清新，推介!LOUNGE HAKUBA既出品大致都令我十分满意，食物同饮品都丰富多样，几岩作为朋友CHILL住聚会既地方。
继续阅读