至尊滿屋日本料理 (已結業)

旺角有好多間放題，不過朋友話呢間最好食所以我地過咗嚟。價錢其實同其他都唔會差太遠，都係二百幾蚊。睇晒成個餐牌之後，得出嘅結論就係主打嘅嘢食都係自家創作壽司，因為真係好得意！刺身有叫赤蝦、甜蝦、玉子、馬刀貝、帶子，赤卡仲好味過甜蝦，甜蝦唔係太新鮮。玉子方面偏硬，帶子就真係鮮甜同埋爽口。香芒大蝦壽司個芒果又甜又新鮮，味道好夾。芝士醬燒帝王蟹棒壽司鹹鹹地甜甜地好有趣，海苔醬燒三文魚壽司比較油膩不過勁香。魚子醬帶子又咸又鮮，幾好味。黃金膽中花之戀都好得意，個海膽味道還好，有得食海膽已經算好不錯。海膽手卷裏面嘅海膽比起啱啱花之戀嗰個更加好味，好鮮，估唔到呢個價錢竟然食到咁好味嘅海膽。 吉列蠔普通質素，冇咩特別。溫室南瓜天婦羅、番薯天婦羅、虎蝦天婦羅反而記得意，外皮炸得特別脆，裏面都好熱，特別係番薯天婦羅用咗紫心番薯。燒紐西蘭香草羊鞍味道都係好香，食到羊酥味嘅人應該都會好鍾意。有啲位置特別肥膩，但係油香十足，勁好味！整體來講都算係幾唔錯，仲有馬卡龍都幾好味。