Pause It

营业中

休息中

同女兒去旺角做完美容，搵間咖啡店食啲嘢，順便休息一下，𝐏𝐀𝐔𝐒𝐄 𝐈𝐓 地方寬濶，裝修時尚清雅。全日早餐：顏色鮮艶份量十足，食物有法蘭克福腸、煙肉、雜菌、車厘茄、蕃茄、焗豆、蛋和多士，蛋是可揀太陽蛋或炒蛋，炒蛋比較滑溜惹味。慢煮雞胸，香草麵包三文治配薯條：香草麵包質地好軟熟，中間饀料係嫩滑嘅雞肉，加埋蜜糖芥末醬好惹味，配搭份量十足嘅薯條好豐富。雲呢拿鮮奶咖啡：拉花賣相美觀，以濃縮咖啡、牛奶及雲呢拿糖漿製成，咖啡非常香，飲落順口細滑。菠蘿特飲味道酸甜，加上梳打水感覺較清新。