影片
更多
2022-10-12
55 浏览
呢幾年無法外遊，令人多左好多機會去探索香港，除咗平時行開嘅繁華鬧市、各類主題公園同埋野餐勝地之外，其實香港都仲有嘅好多地方好有特色，有時候我甚至乎覺得自己一啲都唔似身處香港 😍 今次俾我搵到一間復古風嘅英國餐廳，沿着上環地鐵站一路行上去，經過無數嘅海味舖、上環文娛中心，慢慢景色就由香港嘅舊街，變成好多特色嘅老店… … 然後好似魔法電影咁樣，路嘅盡頭，就見到呢間散發着淡淡嘅黃光，好似時光倒流去咗舊英國嘅呢間餐廳～Oldish Eggs Benedict流心蛋充滿蛋香，配合微鹹嘅三文魚，同埋脆脆嘅多士，食落好清新，牛油果份量唔算太多，整體味道比較淡，但正好食到食材原始嘅味道，佢唔會令到你嘅味覺好疲勞，反而令你食得出佢真係有用心比質素比較好嘅食材你食 👍🏻Thai Tom Yum Sauce Seafood Spaghetti 呢個真係好好食！青口、魷魚、蝦、蜆肉同埋帶子，滿滿嘅海鮮一啲都唔吝嗇 🤤 扁身嘅意粉非常之掛汁，佢嘅冬陰功汁個味較得好好、酸酸辣辣十分醒胃，連怕辣嘅我都忍唔住一啖接一啖咁繼續食；不過要留意嘅係，佢嘅味道真係偏辣，唔太食得辣嘅朋友，我建議最好同朋友share食，因為呢個
Oldish Eggs Benedict
流心蛋充滿蛋香，配合微鹹嘅三文魚，同埋脆脆嘅多士，食落好清新，牛油果份量唔算太多，整體味道比較淡，但正好食到食材原始嘅味道，佢唔會令到你嘅味覺好疲勞，反而令你食得出佢真係有用心比質素比較好嘅食材你食 👍🏻
Thai Tom Yum Sauce Seafood Spaghetti
呢個真係好好食！青口、魷魚、蝦、蜆肉同埋帶子，滿滿嘅海鮮一啲都唔吝嗇 🤤 扁身嘅意粉非常之掛汁，佢嘅冬陰功汁個味較得好好、酸酸辣辣十分醒胃，連怕辣嘅我都忍唔住一啖接一啖咁繼續食；不過要留意嘅係，佢嘅味道真係偏辣，唔太食得辣嘅朋友，我建議最好同朋友share食，因為呢個意粉真係好值得怕辣嘅你去比次機會試一試 😋
Melon Ham
清甜嘅蜜瓜配合微鹹嘅火腿，鹹甜嘅比例非常之好，佢個火腿唔係死鹹嗰隻，鹹得來帶微微嘅肉香，證明佢係揀火腿方面都有落過心機 😆 曾經食過比較鹹嘅火腿小食，真係會鹹到你食一兩舊就唔想再食，但係呢個真心OK，我同男朋友share，一人食兩舊食完覺得唔夠喉 😂
呢度啲裝修真係好有feel，復古嘅擺設，配合泛黃嘅燈光，加埋懷舊嘅英文歌，我覺得自己好似時光倒流去咗舊英國咁樣 😌 前一秒仲身處香港嘅街道，下一秒推門入餐廳，你就好似已經穿越咗去另一個地方咁樣；雖然行斜路上去嘅時候有少少攰 🙈 但真心覺得佢選址選得好好，舊式嘅街道盡頭，有一間復古懷舊嘅小店，配合埋餐廳嘅名字 Oldish，真係文青感滿滿 👍🏻
同埋呢度附近其實有好多特色嘅 Cafe 同商店，每間鋪嘅風格都靚到好似唔係喺香港咁，可惜食完飯有啲夜，好多舖頭都閂咗，我下次會喺下午嘅時候再嚟，好好再感受一下呢個咁特別嘅地方 😆
张贴
