麵鮮醬油房周月 (歌賦街)

营业中

休息中

今日老闆放half day, 比個機會我去食個長小小時間嘅午餐，飯腳最鍾意食拉麵，所以今日由佢揸fit，走一轉周月。由公司行去周月都有一點距離，大約15分鐘行到，遠見門口有幾位男士等位，以為又要有排等，幸好2位可以即入！今日天氣都有點熱，行15分鐘都已經出左身汗，咁嘅情況食咩好呢？面前有塊獨立餐牌寫住《冷麵》同《牛》，二話不說即刻點菜，飯腳仲心思思咁慢慢打開餐牌選擇。不用10分鐘，麵就來了！烏黑的醬油湯底，配上和牛、冷麵、同炸天婦羅碎（本來還有洋蔥、青蔥，但我不喜歡吃已叫侍應走掉），加隻半熟溫泉蛋，都幾吸引。先來一口拉麵，加少少醬油一齊食，味道濃郁，而拉麵係我鍾意的咬口型，我最怕淋pat pat的，安格斯牛又如何呢？當然，比得呢個價錢，期望唔會太高，個人覺得比較鞋口，同熟左d.....但醬油底同面我都滿意嘅。