影片
更多
2017-08-17
1978 浏览
細舅母一向都好錫我，佢見到我呢排瘦咗好多...叫我食番多啲！仲特登book咗一間餐廳同我食晏話要請我食返餐好嘅雖然之前同朋友嚟過一次，嗰次嘅經驗係有啲失望！不過舅媽咁有心一早book咗枱，我就梗係唔會掃佢興啦！(可能上次只係我咁岩唔好彩啫）今次午市嚟到， 人客比晚市小， 無咁熱鬧但坐得舒服好多原來市午仲有set lunch定食，價錢由HKd$98至HKd$238不等~豐儉由人而每個set lunch定食會包埋沙律、味噌湯、茶蒸碗同潰物，仲可以加HKd$20配上咖啡同雪糕（ 但我同舅母都想飲特飲，唔想飲咖啡，所以今次就冇加到20蚊）我地每人點左一個定食，我揀左“壽司定食(7本)配細烏冬”HKd$138+10%七款壽司都新鮮美味，特別係 三文魚腩肥美無筋、帆立貝肉厚鮮甜、海膽新鮮唔苦唔腥無怪味而當中既湯烏冬同茶蒸碗都不容忽視，熱烏冬爽滑彈牙； 茶蒸碗火侯啱啱好！蒸得又嫩又滑入面仲有蝦肉同蟹肉黎提鮮好好味呀而舅母既“特撰刺身定食配白飯”HKd$188+10%都好吸引呀全部刺身都係厚切架試左舅母既甜蝦同油甘魚，同樣係既鮮又甜想我食多啲既舅母仲趁我去洗手間嘅時候點多咗幾款食物舅母知我鍾意食蟹膏，
雖然之前同朋友嚟過一次，嗰次嘅經驗係有啲失望！不過舅媽咁有心一早book咗枱，我就梗係唔會掃佢興啦！(可能上次只係我咁岩唔好彩啫）
今次午市嚟到， 人客比晚市小， 無咁熱鬧但坐得舒服好多
原來市午仲有set lunch定食，價錢由HKd$98至HKd$238不等~豐儉由人
而每個set lunch定食會包埋沙律、味噌湯、茶蒸碗同潰物，仲可以加HKd$20配上咖啡同雪糕（ 但我同舅母都想飲特飲，唔想飲咖啡，所以今次就冇加到20蚊）
我地每人點左一個定食，我揀左“壽司定食(7本)配細烏冬”HKd$138+10%
七款壽司都新鮮美味，特別係 三文魚腩肥美無筋、帆立貝肉厚鮮甜、海膽新鮮唔苦唔腥無怪味
而當中既湯烏冬同茶蒸碗都不容忽視，熱烏冬爽滑彈牙； 茶蒸碗火侯啱啱好！蒸得又嫩又滑入面仲有蝦肉同蟹肉黎提鮮好好味呀
而舅母既“特撰刺身定食配白飯”HKd$188+10%都好吸引呀全部刺身都係厚切架
試左舅母既甜蝦同油甘魚，同樣係既鮮又甜
想我食多啲既舅母仲趁我去洗手間嘅時候點多咗幾款食物
舅母知我鍾意食蟹膏， 所以專登點咗一個集合蟹膏、蟹肉、海膽同三文魚籽嘅“蟹味噌雲丹刺身”HKd$108+10%俾我食
幾種嘅鮮味加埋附上嘅米奶酒，再混合埋蟹蓋入面嘅海帶同青瓜，食落既鮮又清，的確係滋味無窮，令我一試難忘
蟹味噌雲丹刺身
$108
31 浏览
0 赞好
0 留言
原來舅母仲點左：
“三文魚子帆立殼燒”HKd$85+10%、“殘酷活鮑磯燒(2)”HKd$136+10%同“牡蠣磯燒(2)”HKd$136+10%
午市無咁繁忙，店員會為每枱人客細心咁燒！
燒好嘅鮑魚一啲都唔韌，最估唔到係連鮑魚嘅內臟都可以燒嚟食，食落一啲都唔苦唔會腥，口感有啲似食豬潤嘅感覺，係意想不到嘅好味呀
而帆立貝嘅鮮，加上牛油嘅香，重有粒粒飽滿嘅三文魚籽又點會唔好食啵
而生蠣大大隻，燒完都唔會點縮水~
淨係睇相都見到佢脹卜卜~有幾飽滿啦
飲品方面經店員介紹之後， 我哋揀咗兩款特飲，有酒精同無酒精各一：“熱情菠蘿燒酌”HKd$78+10%同“白桃梳打”HKd$48+10%
兩杯都清甜解渴，唔會死甜或者有藥水味！
特別係店員大力推薦新出嘅菠蘿燒酌，賣相吸引之外 ， 酒精味亦都唔算好勁，入面仲有住好多新鮮嘅菠蘿粒好啱想淺嚐酒精嘅女仔飲呀
今餐的確值得給予好評，無再冇令我失望每款食物都新鮮滋味，令我同舅母兩個都食得好滿足
舅母咁有心咁錫我，我當然唔會畀佢破費喇！等佢去洗手間嘅時候就買咗張單先
-
今次以食物質素同服務態度(有禮殷勤，既主動又親切)嚟講，今餐嘅價錢絕對係成正比 加上午市有set lunch其實真係抵食好多
张贴
