潮客 (已結業)

是日老人家想食潮州翅..不便遠行, 就附近一試潮客水準..潮州翅 一的都唔水, 好多翅, 係十分"杰" !! 比起平時出邊食的雞絲翅蟹黃翅完全唔同水準 !! 當然收費比起個的都有返咁上下.. 沙爹牛肉炒菜 沙爹味濃, 用黎送飯一流!! 同埋最緊要唔水!!菜炒得岩岩好 !! 唔太油!! 老人家都食到!!豬頸肉拼紅腸 豬頸肉大大塊，口感一流!! 布腸就平平無奇．．也正常吧．．鹵水豬大腸 我食潮州野一定會點大腸．．今次都做得唔錯．．無異味，洗得好乾淨 !!入口唔會太肥膩．．都算唔錯．但唔太入味．．唔記得咩名，潮州菜，老人家點的．有芋頭，肉碎．．老實說．．個人唔岩食．食完一件已唔想再食．．另外仲點左個蠔仔粥 比例岩岩好，，好多蠔，而且一的沙都無 !! 仲有好多”方魚”．．食落口唔會只係粥水咁寡!! 唔錯 !! 其實有少少估唔到．．北角商場仔既潮州翅竟然有返咁上下水準．．驚喜!!