3rd Space (已結業)

好鍾意上環呢間充滿藝術氣息嘅cafe😍出面牆身已經吸引到我，點知入面仲吸引，尤其係幅大大嘅牆畫。而且入面仲有書，hea吓hea吓就一個下晝，好彩平日下晝冇人排隊，可以hea耐啲☺️廣島生蠔炊飯，$140生蠔勁香，肉身肥厚，仲配埋濃郁嘅生蠔汁，而飯係好健康嘅雜糧飯，仲有野菌同牛蒡。生蠔嘅咸味啱啱好中和飯嘅淡味，而流心蛋可以選擇撈飯食或者加少少蠔汁直接食。麻薯pancake，$98主食好唔錯，但甜品更出色😍pancake有好多口味選擇，朱古力、伯爵茶、花生醬、芝麻。。。我揀咗最愛嘅宇治抹茶。班戟比較實嘅口感，入面有好多麻薯，鍾意麻薯嘅朋友一定要試啦，上面嘅雲尼拿雪糕同啲脆脆都好好味😋泡泡龍，$55嘢飲方面試咗杯好特別嘅泡泡龍，其實係齋啡，不過加咗鮮檸檬梳打，好特別又幾好飲。好充實好滿足嘅一個下午☺️又搵到一間以後都會再去嘅cafe。