除左出面既枱同吧枱之外
仲有幾間房好似日本和室咁🎎
好有風味
🥢宮崎豚肝併豚肉腸
前菜一小碟之後就上左個小食
係煙燻過既豬肝同烤豬肉腸
再配左個黃芥辣醬 幾夾🍯
🥢時令刺身
師傅幫我地揀左今日最新鮮既刺身
🎣深海池魚 配左個酸汁黎食
帶到池魚既魚味出黎
🦪室津蠔
好大隻 師傅都本身調左個汁係旁邊
一啖啜落口 好鮮甜
🎣油甘魚
店員就話呢個沾返Wasabi醬油食
油甘魚勁厚切勁肥美
個口感好好
🎣帶子夾海膽
帶子勁大隻 夾左一舊大大舊既海膽係中間
海膽一D都唔腥 兩樣野都係極鮮
🥢沙鎚魚天婦羅
外面有一層紫蘇葉包住沙鎚魚拎去炸🍃
沙鎚魚肉質好嫩滑 再加埋紫蘇葉獨特既香味
超好味！😍
師傅仲係側邊配左個自製既咖哩鹽
加埋更加變左另一個層次
🥢粟米天婦羅
呢個我都係第一次見🌽
聽店員講呢個都係好多工夫既一樣菜式黎
炸漿係勁薄唔會食到成口粉
粟米好甜 完全唔需要額外再加任何醬汁
最值得一讚既係天婦羅黎到既時候係熱辣辣架！👍🏼
🥢蒲燒鰻魚飯
黎到已經聞到陣香味
鰻魚係好大件
同埋個鰻魚飯師傅都加左山椒粉
令到鰻魚多左種獨特既香
加埋鰻魚汁好好送飯
兩個人食都一人分到兩碗
🥢串燒
雞肝串
燒雞肝唔係周圍都食到
呢道既雞肝串燒得好好
佢唔係全熟哂 所以令到佢有種入口即融既感覺
露荀豚肉串
豚肉片包住露荀去燒
唔會燒到好乾
雞全翼
一定要叫
個皮燒到脆卜卜 但入面既肉係好滑
最貼心係仲會包住錫紙比你拎起食
🥢五目炒雜菜
食左咁多肉 一定要有個菜中和返
本身對炒雜菜都無乜期望
但又真係炒得幾好食喎
呢間小店比到驚喜我
一定會再黎Encore😋😋
