影片
更多
2023-05-01
34 浏览
呢間居酒屋喺尖東南洋中心裏面，餐廳位置比較隱世，一入到南洋中心上一層，喺比較角落嘅位置就會見到呢間勁有feel嘅居酒屋！店舖唔算大，有吧枱同卡位，仲有兩間榻榻米房，裝修好有復古日式風格，坐得都幾舒服！小店價錢唔算太貴，人均落樓都係$500左右，就可以嘆到佢咁高質嘅刺身，啱晒同朋友坐喺度慢慢食嘢傾偈，餐廳仲有日式包間，同朋友一齊過嚟慶祝吓生日都啱晒～平時餐廳人流都頗多，唔想摸門釘，嚟之前記得要預訂位置！------------------------------🐟◖雞泡魚乾◗ $88本身以為雞泡魚乾應該身嗰種，佢呢一隻搽咗啲蜜糖再拎去燒，有一層焦糖嘅香氣，食落去甜甜地，送酒都唔錯！🦞◖龍蝦沙律◗ $88啖啖龍蝦肉加咗三文魚籽，加入沙律醬撈勻，食落去更富口感，好鮮甜，可以同啲海帶沙律一齊食，味道更有層次～🍣◖店長精選時令刺身-上◗ $498一份有好多款刺身，有烏賊、帆立貝、三文魚、八爪魚、劍魚腩、池魚同吞拿魚各三片，仲有兩隻大大隻嘅牡丹蝦。佢啲魚類刺身都高質，鮮甜又足料，全部都係厚切，好有口感！裏面嘅烏賊、三文魚、帆立貝、牡丹蝦口感都比較黏口，尤其是牡丹蝦好鮮好甜，真係值得一試！佢落咗啲海
店舖唔算大，有吧枱同卡位，仲有兩間榻榻米房，裝修好有復古日式風格，坐得都幾舒服！小店價錢唔算太貴，人均落樓都係$500左右，就可以嘆到佢咁高質嘅刺身，啱晒同朋友坐喺度慢慢食嘢傾偈，餐廳仲有日式包間，同朋友一齊過嚟慶祝吓生日都啱晒～平時餐廳人流都頗多，唔想摸門釘，嚟之前記得要預訂位置！
------------------------------
🐟◖雞泡魚乾◗ $88
本身以為雞泡魚乾應該身嗰種，佢呢一隻搽咗啲蜜糖再拎去燒，有一層焦糖嘅香氣，食落去甜甜地，送酒都唔錯！
🦞◖龍蝦沙律◗ $88
啖啖龍蝦肉加咗三文魚籽，加入沙律醬撈勻，食落去更富口感，好鮮甜，可以同啲海帶沙律一齊食，味道更有層次～
🍣◖店長精選時令刺身-上◗ $498
一份有好多款刺身，有烏賊、帆立貝、三文魚、八爪魚、劍魚腩、池魚同吞拿魚各三片，仲有兩隻大大隻嘅牡丹蝦。佢啲魚類刺身都高質，鮮甜又足料，全部都係厚切，好有口感！裏面嘅烏賊、三文魚、帆立貝、牡丹蝦口感都比較黏口，尤其是牡丹蝦好鮮好甜，真係值得一試！佢落咗啲海帶做一個沙律配菜，食落好清新爽脆，點豉油食個人覺得都幾好食～
🦪◖味噌廣島蠔野菜鍋◗ $138
有四大隻廣島蠔肉，尺寸都唔細，鍋底有好多野菜，煮得好軟腍而且索晒啲味道！廣島蠔帶有香濃嘅海水味，同野菜一齊煮成一煲味噌湯，成個鍋物好清甜！
🍥◖加州卷◗ $88
呢個加州卷餡料比較多，捲着左啲蟹柳、青瓜同玉子；外層嘅飯唔會好厚，均勻裹上三文魚籽，咬落爽脆清甜！
🌟 Encore指數：8.5/10
张贴
