居食屋「和民」 (置富第一城)

营业中

休息中

因為是會員關係，有時都會幫襯這間喺香港已經有一段歷史嘅日本餐廳，食物唔算大碟，可以叫多幾款。今日試下佢嘅春日套餐(二人)，一家三口未夠食，再加兩個主食。先來季節前菜，有幾粒蔬菜，冬菇、蓮藕、紅蘿蔔及牛蒡，甜甜哋都醒胃。野菜沙律，新鮮爽脆沙律菜，正常發揮。意式薄切桂魚，呢個小食喺餐廳嘅套餐必定會出現，賣相同味道也不錯，每人可以分到兩三件。明太子沙律厚燒玉子，熱辣辣好香蛋味。桂魚牛油果卷，廚師新鮮製作，牛油果同三文魚是個不錯的配搭。蕃茄香草牛肉壽喜燒，這個是阿女必食，她最喜歡番茄嘅味道，再加上壽喜燒嘅汁，令肥牛更加滋味。廣島風鐵板炒麵，這個是我特別推介，鐵板炒好香口，醬汁好吸引。石鍋桂魚帆立貝蒜蓉牛油飯，老公喜歡石鍋飯，佢話有少少飯焦似中式煲仔飯，再加上香濃蒜蓉牛油味，正呀！今次特別啲叫咗個青檸可樂，味道清新。