影片
更多
2017-05-15
1574 浏览
又係時候要去 Espuma High Tea，因為佢哋又有新作，今期係日式二人下午茶，最鍾意中環嗰間，望住開揚半山風光，景觀一流，食得特別開胃。三層屋仔已經上枱，先食頂層嘅迷你天婦羅拼盤 ，有大蝦、南瓜、茄子，新鮮熱辣，外層好脆薄，而且一D都唔油，特別係大蝦，啖啖肉，我最鍾意。蟹籽蕎麥冷麵 ，雖然細細碟，但做得好認真，麵質好彈牙，加埋咬落卜卜聲嘅蟹籽，味道夠曬清爽。燒三文魚飯糰，面層燶燶地，好香口，咬落D飯其實都好軟熟，加埋三文魚同紫菜，好有口感。第二層，迷你甜薯，用錫紙包住保溫，細細隻，一隻一口，入口軟綿綿，好香甜。醬油丸子，鹹中帶甜嘅醬油，包住D丸子，煙煙韌韌，好好味。黑糖牛乳布丁，最正梗係有粒脹卜卜嘅燈籠果伴住啦，布丁又甜又滑，奶味香濃，加上黑糖嘅甜味比較清，唔會好溜。日式芝士蛋糕，啱啱好嘅芝士味，蛋糕質地唔會好實，加埋粒酸酸地嘅覆盆子，味道好醒神。第三層，有充滿春日氣息嘅櫻花水信玄餅、蝶豆花水信玄餅，講真朶花其實係冇乜味，但單睇已經夠養眼，淺粉紅色嘅櫻花，鮮豔紫藍嘅蝶豆花，加埋晶瑩剔透嘅水信玄餅，實在好似水晶咁靚，一啖食入口，感覺似啫喱，清清哋，唔會太甜，好有涼意。綠茶紅豆戚風
三層屋仔已經上枱，先食頂層嘅迷你天婦羅拼盤 ，有大蝦、南瓜、茄子，新鮮熱辣，外層好脆薄，而且一D都唔油，特別係大蝦，啖啖肉，我最鍾意。
蟹籽蕎麥冷麵 ，雖然細細碟，但做得好認真，麵質好彈牙，加埋咬落卜卜聲嘅蟹籽，味道夠曬清爽。
燒三文魚飯糰，面層燶燶地，好香口，咬落D飯其實都好軟熟，加埋三文魚同紫菜，好有口感。
第二層，迷你甜薯，用錫紙包住保溫，細細隻，一隻一口，入口軟綿綿，好香甜。
醬油丸子，鹹中帶甜嘅醬油，包住D丸子，煙煙韌韌，好好味。
黑糖牛乳布丁，最正梗係有粒脹卜卜嘅燈籠果伴住啦，布丁又甜又滑，奶味香濃，加上黑糖嘅甜味比較清，唔會好溜。
日式芝士蛋糕，啱啱好嘅芝士味，蛋糕質地唔會好實，加埋粒酸酸地嘅覆盆子，味道好醒神。
第三層，有充滿春日氣息嘅櫻花水信玄餅、蝶豆花水信玄餅，講真朶花其實係冇乜味，但單睇已經夠養眼，淺粉紅色嘅櫻花，鮮豔紫藍嘅蝶豆花，加埋晶瑩剔透嘅水信玄餅，實在好似水晶咁靚，一啖食入口，感覺似啫喱，清清哋，唔會太甜，好有涼意。
綠茶紅豆戚風蛋糕，質地好鬆軟，淡淡嘅綠茶甘口，加埋紅豆蓉嘅少少甜口，仲有片金箔，味道層次好豐富。
黑芝麻蕨餅，平時食蕨餅，比較少食到黑芝麻味，入口好香好綿。
呢個時候，梗係要食埋個綠茶鬆餅配鮮忌廉同果醬啦，加咗綠茶粉嘅鬆餅，口感變得好清爽。
食到飽曬，就叫咗杯冰凍蘋果咖啡，配搭好新鮮，賣相好吸引，杯面浮滿蘋果粒，咖啡香濃之間滲住蘋果嘅香甜，味道好夾，大家都冇搶到味，好飲。
朋友嘅蜂蜜檸檬咖啡，將港式茶餐廳飲品，味道提升，加咗D糖、加咗D蜂蜜，個樣好靚，甜、酸、澀加埋嘅味道，極速幫助消化。
今日，窗外雖然春雨綿綿，但係食咗個咁有春日氣息嘅下午茶，自己嘅心情就覺得春風得意啦。
张贴
