Apinara

营业中

休息中

餐廳位於金鐘太古廣場，環境充滿住泰國度假酒店嘅風格，座位坐得舒適又寬躺，呢度嘅Staff 好Friendly，成日主動refill 水，呢點要加分！📍芒果軟殼蟹米紙卷$118煙韌嘅米紙皮入面包住清新嘅蔬菜絲🥬面頭仲擺左一大隻原隻炸到勁鬆脆嘅軟殼蟹，隻蟹裡面仲要有蟹糕😍！📍泰式炒金邊粉$128將金黃嘅蛋網包著金邊粉，材料非常豐富，有好多隻大蝦、豆腐乾、芽菜等。加入青檸汁後吊起左整碟金邊粉嘅香味，再撈埋砂糖同辣椒一齊食辣中帶問甜酸，味道更帶層次感。📍泰式咖喱豬頸肉$128豬頸肉爽口彈牙，咖喱汁加入左大量泰式香草煮，非常惹味濃郁。📍印度薄餅$32建議一定要加印度薄餅同咖喱一齊食！咖喱汁帶點少辣而且充滿椰香，點薄餅食味道一流。呢度嘅甜品每款都好吸引，真係好想叫哂黎試！最後千挑萬選之下揀左斑蘭班戟配雲呢拿雲糕($88) 班戟嘅斑蘭味非常香濃，再加上鋪係面一層濃厚嘅椰子cream同埋椰子絲，啖啖都係濃郁嘅斑蘭同椰子香味。